१५ कात्तिक / अर्थ र व्यापार- पर्यटकिय नगरी काठमाडौंको ठमेल कालधारामा व्युटिफुल काठमाडौं होटल सञ्चालनमा आएको छ । होटल व्यवसायमा समेत अनुभवि युवा पर्यटन व्यवसायि अञ्जन थापा (कुमार) ले होटल सञ्चालनमा ल्याएका हुन । 

होटलमा २२ वटा डिलक्स र स्विट रुम रहेका छन । हरेक रुममा बाथटब सहित बाल्कोनी पनि रहेको छ । होटलका हरेक रुममा पर्यटकहरुलाई स्तरिय र अत्याधुनिक सेवा सुविधा रहनुका साथै लिफ्ट लगायतको सुविधा पनि रहेको छ ।

“पर्यटकियस्थल ठमेलमा रहेर पनि शान्त वातावरणमा हुनु र होटलवाट सिंगो काठमाडौंको साथै स्वयम्भु लगायत अन्य सम्पदाहरुको आकर्षक दृष्यावलोकन पनि गर्न सकिने हुनाले पर्यटकहरुले होटललाई मन पराउनेछन भन्ने अपेक्षा छ”–होटलका सञ्चालक अञ्जन थापा (कुमार) ले अर्थ र व्यापारलाई वताए ।

होटलमा अन्डरग्राउण्ड पार्किङ,स्विमिङ पुल,रेष्टुरेण्ट लगायतका सुविधाहरु पनि उपलब्ध छन ।