२२ आषाढ/अर्थ र व्यापार– लुम्बिनी आउने पर्यटकलाई लक्षित गर्दै बुटवलमा २५ करोड लागतमा आरम्भ रिसोर्ट सञ्चालनमा आएको छ । 

आरम्भ ग्रुप अफ हस्पिटालिटी अन्तर्गत १ सय ४० जनाको संयुक्त लगानीमा पब्लिक कम्पनीअन्तर्गत आफ्नै स्वामित्वको करिब ४ बिघा क्षेत्रफलमा रिसोर्ट सञ्चालन आएको हो । 

रिसोर्टको उद्घाटन प्रदेश नं. ५ का उद्योग, पर्यटन, बन तथा बातावरण मन्त्री लिला गिरिले गरे । आन्तरिक र वाह्य पर्यटकलाई लक्षित गर्दै बुटवल उपमहानगरपालिका १३ ढबाहामा सञ्चालनमा आएको आरम्भ रिसोर्टले ४७ जनालाई रोजगार दिएका छन् । 
मन्त्री गिरीले लुम्बिनी आउने पर्यटकलाई बुटवलको ऐतिहासिक जितगढि किल्लासम्म ल्याउने योजना प्रदेश सरकारको रहेको भन्दै यस्ता रिसोर्टले पर्यटकलाई आर्कषक सुविधा दिनुपर्ने वताए ।

७५ कठ्ठा जग्गामा रहेको कम्पनीले निकट भविष्यमानै कलेज र ४५ बेडेका लजका लागि दुई वटा अलग अलग भवन बनाउने योजना रहेको रिसोर्टका सञ्चालक गोपाल पाण्डेले जानकारी दिए ।