१८ जेष्ठ / अर्थ र व्यापार- अन्नपूर्ण सेन्चुरी पर्यटन समितिको मुख्य आयोजना र अन्नपूर्ण–काठमाडौं समाज नेपालको सहआयोजनमा आगामी जेष्ठ २० गते आइतबार अन्नपूर्ण म्याराथनको आयोजना हुने भएको छ ।

म्याराथनमा स्वदेशी एवं विदेशी गरि करिब ७० जना सहभागि हुने आयोजकले जनाएको छ । उनीहरु आजै अन्नपूर्ण बेशक्याम्प प्रस्थान गरिसकेको म्याराथ अयोजक समितिको काठमाडौं संयोजक ऋषि भण्डारीले वताए । ४२.१९५ कि.मि को म्याराथन अन्नपूर्ण बेसक्याम्पबाट सुरु भई घान्दु्रकमा पुगेर समापन हुनेछ । समापन कार्यक्रम पूर्वप्रधानमन्त्री एवं नेपाल कम्युनिष्ट पार्टीका अध्यक्ष पुष्पकमल दाहाल प्रचण्डको प्रमुख आतिथ्यतामा हुनेछ । सो कार्यक्रममा संस्कृति, पर्यटन तथा नागरिक उड्डयन मन्त्री रबीन्द्र अधिकारी, युवा तथा खेलकुद मन्त्री जगतबहादुर विश्वकर्मा सहित विभिन्न पर्यटकीय संघ–संस्थाका अध्यक्ष लगायतका अन्य पदाधिकारीहरुको समेत सहभागिता रहनेछ । 

म्याथानमा प्रथम हुनेलाई एक लाख रुपैयाँ नगद, द्वीतियलाई ७० हजार र तृतीय हुनेलाई ५० हजार रुपैयाँ नगद पुरस्कारको व्यवस्था गरिएको छ । त्यस्तै शिर्ष दशमा पर्न सफल सहभागिहरुलाई पनि ८ हजार रुपैयाँका दरले सान्त्वना पुरस्कारको व्यवस्था गरिएको छ ।