तामाकोशी–काठमाडौं ४०० केभी प्रसारण लाइनको निर्माण प्रक्रिया सुरु
२७ असोज/अर्थ र व्यापार– तामाकोशी-काठमाडौं ४०० केभी प्रसारण लाइनको निर्माण प्रक्रिया सुरु भएको छ ।
खिम्ती–ढल्केबर २२० केभी प्रसारणलाइनको वैकल्पिक लाइनको रुपमा तामाकोशी–काठमाडौं ४०० केभी प्रसारण लाइनको निर्माण प्रक्रिया सुरु भएको हो ।
जिल्ला प्रशासन कार्यालय दोलखाले तामाकोशी-न्यु खिम्ती, २२० र तामाकोशी-काठमाडौं ४०० केभी प्रसारणलाइन आयोजनाको लागि दोलखा जिल्लामा पर्ने तीन वटा स्थानीय तहका ३६६ जना स्थानीयको जग्गा अधिग्रहणका लागि मंगलबार सार्वजनिक सूचना प्रकाशित गरेको छ ।
तामाकोशी काठमाडौं प्रसारणलाइन आयोजनाका निर्देशक रमन शर्माले दोलखा, रामेछाप र सिन्धुपाल्चोकमा निर्माणाधिन आयोजनाको २ हजार मेगावाट भन्दा बढी विद्युत काठमाडौं ल्याउने उदेश्य प्रसारणलाइन निर्माण गर्न लागिएको जानकारी दिए ।
अब न्यु खिम्ती-काठमाडौं प्रसारणलाइन बनेपछी खिम्ती ढल्केबर २२० केभी प्रसारण लाइनमा समस्या आएपनि विद्युत प्रवाह गर्न सकिने शर्माले बताए ।
आयोजनाले प्रसारणलाइन आयोजनामा पर्ने स्थानीयको जग्गा अधिग्रहण गर्नुपर्ने भएकाले आफ्नो जग्गाको भोगचलनको प्रमाण खुल्ने कागजपत्र सहित आयोजनाको प्रधान कार्यालय खरिपाटी भक्तपुर वा साइट कार्यालय चरिकोट दोलखामा निवेदन दिन आग्रह गरेको छ ।
आयोजनाको निर्माण पछि माथिल्लो तामाकोशी, मध्य भोटेकोशी सहित निजी क्षेत्रका दर्जनौ आयोजनाको करिब २ हजार मेगावाट विद्युत सहजै काठमाडौ ल्याउन सकिने छ ।
एसियाली विकास बैंकको सहुलियत ऋण र अनुदान सहयोग सहित नेपाल सरकारको लगानी रहेको आयोजना २०२१ को अक्टोबर सम्ममा निर्माण सक्ने लक्ष्यका साथ काम भइरहेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया