भुसालले दिए पशु सेवा व्यवसायी परिषद्को उपाध्यक्षमा उम्मेदवारी

254 पटक पढिएको

१४ माघ/अर्थ र व्यापार –पशु स्वास्थ्य तथा पशु सेवा व्यवसायी परिषद्को आगामी १८ माघमा हुने निर्वाचनकालागि उपाध्यक्ष पदमा लोकराज भुसालले उम्मेदवारी दिएका छन् । परिषद्को आगामी नयाँ नेतृत्व चयनका लागि हुने निर्वाचनमा उपाध्यक्षमा उम्मेदवारी दिएका भुसाल नेपालको श्रमिक र पेसागत आन्दोलनमा लामो समयदेखि सक्रिय छन् । यसैगरी, भुसालले पेशाकर्मीहरूको हक, हित, सामाजिक सुरक्षा, क्षमता विकास र मर्यादित वातावरण सुनिश्चित गर्न महत्त्वपूर्ण योगदान पु¥याउँदै आएका छन् । उनी नेपाल पारा–भेटेरिनरी एन्ड लाइभस्टक एसोसिएसनको संस्थापक सदस्य हुन् । भुसाल २०४७ सालदेखि निरन्तर नेतृत्वदायी भूमिकामा छन्।
पेसाकर्मीहरूको ३५ वर्षको प्रयासबाट २०७९ सालमा संसदबाट पशु स्वास्थ्य तथा पशु सेवा व्यवसाय परिषद् ऐन लागू भएको थियो । ऐनको आधारमा परिषद् गठन भएको थियो । यसको प्रभावकारी कार्यान्वयनका लागि भुसाल तदर्थ समितिमा सक्रिय सदस्यका रूपमा कार्यरत छन् । उपाध्यक्षका उम्मेदवार भुसालले परिषद्को गरिमालाई थप उचाइमा पुर्याउन आफुले राम्रो काम गर्ने दावी गरेका छन् ।

तपाईको प्रतिक्रिया

सम्बन्धित शीर्षकहरु

निजी विद्यालयको शुल्कको शीर्षक अब स्थानीय तहले तोक्ने

निजी मेडिकल कलेज सरकारले तोकेको निर्वाह भत्ता दिन तयार

एमसिसीले अनुदानअन्तर्गत खरिद र कार्यालय सञ्चालनकालागि स्वीकृति दियो

स्वास्थ्य बीमा बोर्डको कार्यकारी निर्देशकमा काफ्ले नियुक्त

पोखराको बेलुन विष्फोट घटना छानबिन गर्न समिति गठन

अर्थतन्त्र सुधारकालागि सरकारले सबै उपाय अवलम्बन गरेको प्रधानमन्त्री ओलीको दावी

पोखरा–मुग्लिन आयोजनाको पोखरा–जामुने सडक खण्डमा २८ किमि कालोपत्रे सम्पन्न,थप काम तिब्र गतिमा