२१ पुस/अर्थ र व्यापार – काठमाडौको तारकेश्वर नगरपालिका–४ र ५वडा लोलाङस्थित जनजागृति टोल सुधार समितिको अध्यक्षमा दिलिप देवकोटा निर्वाचित भएका छन् । समितिको शनिबार सम्पन्न ११ औं वार्षिक साधारण सभा तथा चौथो अधिवेशनबाट देवकोटा सहित सबैजाना र्निविरोध निर्वाचित भएका हुन् ।
समितिको उपाध्यक्षमा पुष्पा गुरुङ, सचिवमा रुद्रबहादुर राउत, सह सचिवमा गोपाल श्रेष्ठ, कोषाध्यक्षमा हरिचन्द्र घिमिरे, निर्वाचित भएका छन् । यसैगरी, कार्यसमिति सदस्यहरुमा निलनाथ आचार्य, पूर्ण गुरुङ, सलिना अर्याल, मैनाकुमारी बनकार्की, छविलाल वस्ती, भगवान पोखलेल,गोमा बल्छौंडी, सुब्बा घलान निर्वाचित भएका छन् ।
सो निर्वाचन सम्पन्न गर्नकालागि समितिका पूर्व अध्यक्ष तोकबहादुर तामाङको संयोजकत्वमा तिन सदस्य निर्वाचन समिति गठन गरिएको थियो । निर्वाचन समितिको सदस्यहरुमा समितिका पूर्व सल्लाहकार एवं वरिष्ठ पत्रकार मधुजंग पाण्डे र सो समितिका सदस्य लक्ष्मी अधिकारी रहेका थिए । नवनिर्वाचित अध्यक्ष लगायत सबैलाई समितिका निवर्तमान अध्यक्ष राजकुमार प्रधान र निर्वाचन संयोजक तामाङले पद तथा गोपनियताको सपथ ख्वाएर प्रमाणपत्र प्रदान गरेका थिए ।
समितिका निवर्तमान अध्यक्ष राजकुमार प्रधानले समिति स्थापनाकालदेखि अहिलेसम्म भएका विविध गतिविधीहरुबारे जानकारी गराएका थिए । उनले समितिले गर्न खोजेका पूर्वाधार विकासका काममा जनप्रतिनिधीहरुको सहकार्य एवं भूमिका बढाउनु आवस्यक भएको धारणा राखेका थिए ।
सो साधारण सभा तथा चौथो अधिवेशनको उद्घाटन बागमति प्रदेशका साँसद् बसन्त मानन्धरले गरेका थिए । उनले शहरी बस्ती विस्तारको क्रममा स्थापना भएको जन जागृति टोल सुधार समिति जस्ता टोलवासीको जनअपेक्षामा सहयोग गर्न जनप्रतिनिधी चुक्न नहुने बताए । मुलुकलाई आर्थिक रुपमले सम्पन्न बनाउन जनप्रतिनिधी सामाजिक विकास र आर्थिक उन्नतीकालागि संधै अग्रसर हुनुपर्ने भन्दै उनले विकास निर्माणलाई ध्यान दिन सके मात्र राजनीति पनि सफल हुने बताए । उनले स्थानीय टोलवासीको समस्या समाधानमा आफुले सक्दो सहयोग गर्ने प्रतिवद्धता जनाए ।
कार्यक्रममा तारकेश्वर नगरपालिकाका काँग्रेस सभापति हस्तबहादुर गुरुङ, जितगुरु सहकारी संस्थाका अध्यक्ष तथा मिलिजुली टोलसुधार समितिका अध्यक्ष कमलप्रसाद रिमालले आ आफ्ना धारणा राखेका थिए । सो कार्यक्रममा नेकपा माओेवादी नेता उत्तम दाहाल, स्थानीय समाजसेवी राजकुमार फुँयाल, लोलाङ प्रहरी चौकीका प्रहरी हवल्दार जिस्मान घलान लगायत सहभागी भएका थिए ।