९ साउन/अर्थ र व्यापार – आफ्नै कर्मचारी र इन्जिनियर बोकेर पोखरा उडेको सौर्य एयरलाइन्सको विमान दुर्घटनामा सौर्य एयरलाइन्सकै व्यवस्थापन समूहका अधिकांश परेका छन् । व्यवस्थापन समूहमा रहेका १० मध्ये चारजनाको मृत्यु भएको छ ।
मर्मतकालागि पोखरातर्फ परीक्षण उडान भर्ने क्रममा त्रिभुवन अन्तर्राष्ट्रिय विमानस्थलको रन–वे छोड्ने बित्तिकै सो विमान दुर्घटनामा परेको थियो । नेपाल नागरिक उड्ययन प्राधिकरणले १८ जनाको मृत्यु भएको र एक जना चालक उपचारको क्रममा रहेको जनाएको छ ।
सो एयरलाइन्सका चिफ अफ सेफ्टी सागरकुमार आचार्य, चिफ अफ क्वालिटी एसुरेन्स दिलीप बर्मा, सीएएमओ अश्विनकुमार निरौला, मर्मत व्यवस्थापक यज्ञप्रसाद पौडेल र चिफ अफ अप्रेशन (क्याप्टेन) मनीषरत्न शाक्य दुर्घटनामा परेका हुन् । घाइते क्याप्टेन शाक्यको अस्पतालमा उपचारकोक्रमा छन ।
उद्धारमा खटिएका सुरक्षाकर्मीका अनुसार दुर्घटनामा हालसम्म १८ जनाको मृत्यु भएको र १ जनाको जीवितै उद्धार गरिएको छ । सो दुर्घटनामा परेको विमानमा सवार अधिकांश सौर्य एयरलाइन्सकै जनशक्ति हुन् ।