लेखा समितिद्धारा एनजीओ/आइएनजीओको पैसामा काम नगर्न संसद् र सरकारलाई निर्देशन
१५ फागुन/अर्थ र व्यापार – प्रतिनिधि सभाको सार्वजनिक लेखा समितिले संसद् र सरकारी निकायलाई एनजीओ÷आइएनजीओको पैसामा काम गर्ने परिपाटी बन्द गर्न निर्देशन दिएको छ।
संसद् सचिवालयले नै आइएनजीओको पैसामा कार्यक्रम गरी सांसदहरुलाई भत्ता बाँड्नेदेखि अन्य लाभ दिलाउँदै आएकामा लेखा समितिले आइन्दा त्यसलाई रोक्न भनेको हो। सांसद र सरकारी कर्मचारीमा आइएनजीओको पैसा विदेश घुम्न जाने प्रवृत्ति पनि छ भन्दै समितिले यस्तो निर्देशन दिएको हो ।
मंगलबार सिंहदरबारमा बसेको समितिको बैठकले सरकारका पदाधिकारीले एनजीओ/आइएनजीओको खर्चमा विदेश भ्रमण गरेकोबारे ३० दिनभित्र जानकारी गराउन निर्देशन दिएको छ । समितिले समाज कल्याण परिषद्को उपाध्यक्ष खुल्ला प्रतिस्पर्धाबाट नियुक्त गर्ने व्यवस्था गर्न पनि निर्देशन दिएको छ ।
राष्ट्रपति रामचन्द्र पौडेलले आफ्ना भतिजा अनिलराज पौडेललाई उपाध्यक्ष बनाउन दबाब दिइरहेको समाचार आइरहेका बेला समितिले खुला प्रतिस्पर्धाबाट नियुक्त गर्ने व्यवस्था गर्न मंगलबार निर्देशन दिएको हो।
परिषद्मा अहिले उपाध्यक्षको पद रिक्त छ । अनिलराजले उपाध्यक्षमा आफूलाई नियुक्त गर्न माग गर्दै गत २६ माघमा महिला बालबालिका तथा ज्येष्ठ नागरिक मन्त्री सुरेन्द्रराज आचार्यलाई पत्र लेखेकामा आचार्यले २९ माघमा प्रक्रिया अघि बढाउन तोक लगाएका थिए।
मन्त्री आचार्य राष्ट्रपति पौडेल निकट मानिन्छन्। उनी परिषद्का अध्यक्ष हुन्। यसअघिका मन्त्रीले आफ्ना नातागोता र कार्यकर्ता बाहेकलाई उपाध्यक्ष नियुक्त गरेको उदाहरण छैन।
समितिले समाज कल्याण परिषद् सम्बन्धी नयाँ कानुनको मस्यौदा तयार पारी तत्काल संसद्मा ल्याउन, एनजीओ÷आइएनजीओ सञ्चालनको मापदण्ड तय गर्न, एनजीओ÷आइएनजीओको लेखा परीक्षणको अनुगमन र मूल्यांकन परिषद्ले गर्ने व्यवस्था हटाउन र परिषद्को भौतिक सम्पत्तिको विस्तृत विवरणसहितको श्वेतपत्र जारी गर्न निर्देशन दिएको छ ।
सम्बन्धित शीर्षकहरु
मुख्य खबर
उच्चस्तरीय आर्थिक सुधार सुझाव आयोगले सरकारलाई बुझायो प्रतिवेदन
उच्चस्तरीय आर्थिक सुधार सुझाव आयोगले सरकारलाई अन्तरिम प्रतिवेदन बुझाएको छ । आयोगका अध्यक्ष रामेश्वर खनालले अर्थमन्त्री विष्णुप्रसाद पौडेललाई सो प्रतिवेदन बुझाएका हुन् ।
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया