२६ असोज / अर्थ र व्यापार- श्री माँ दुर्गा भवानी पूजा तथा हिन्दू संस्कृति परिषद्को आयोजनामा सोह्रौं नवरात्री महा–महोत्सवको आयोजना हुने भएको छ । महा–महोत्सवको बारेमा जानकारी दिन आयोजित पत्रकार सम्मेलनमा आराध्यदेव श्री पशुपतिनाथ क्षेत्रको बनकाली चउरमा आगामी असोज २८ गते घटस्थापनाको दिनबाट दशमीको दिनसम्म नवरात्री महामहोत्सव आयोजना हुने परिषद्का अध्यक्ष रामशोभित नायकले वताए ।

महा–महोत्सव अन्तर्गत पुजा तथा प्रवचन कार्यक्रम पनि आयोजना हुनेछ । त्यसैगरी घटस्थापना देखि कलष यात्रा, शैलीपुत्री देवीको पुजा,ब्रह्मचारिणी देवीको पुजा, चन्द्रघण्टा देवीको पुजा, कृष्माण्डा देवीको पुजा, स्कन्दमाता देवीको देवीको पुजा, कात्यानी देवीको पुजा, कालरात्री देवीको पुजा, महागौरी देवी पुजा, सिद्धियात्री देवी पुजा र नव कुमारी पुजा लगायतका कार्यक्रम हुनेछ । त्यसैगरी विभिन्न चर्चित कलाकारहरुद्धारा भक्तिसंगित कार्यक्रम समेत हुने आयोजकले जनाएको छ ।