२१ असोज/अर्थ र व्यापार – गैरआवसीय नेपाली संघ (एनआरएनए) को आगामी एघारौं महाधिवेशनमा डा.ज्ञानेन्द्र रेग्मीले सचिव पदमा उम्मेदवारी दिने भएका छन ।
आगामी निर्वाचनमा सचिव पदमा विजयी हुनकालागि रेग्मीले संघको हितका लागि गर्ने योजना तथा विभिन्न ९ बुँदे प्रतिबद्धता सार्वजनिक गरेका छन् ।
‘एक पटकको नेपाली सधैंको नेपाली’ विदेशमा बस्ने हामीहरूले खोजेको नेपाली नागरिकताको निरन्तरता हो । जसका लागि सरकारसँग निरन्तर लविङ गर्नेछु । अहिले नेपाल सरकारले प्रदान गर्दै आएको एनआरएन नागरिकतालाई उपलब्धीको रुपमा लिदै गैरआवासीय नागरिकता छिटो सहज तरिकाले वितरण गर्न सरकारका सम्बन्धित सरोकारवाला निकायसँग परामर्श गर्ने लगायतको प्रतिवद्धता रेग्मीले व्यक्त गरेका छन ।
‘तीन पुस्तामा सीमित यो नागरिकताले गैरआवासीय नेपालीको भावनालाई नेपालसँग जोडाउने भन्दा टुटाउने काम गर्छ । नेपालमा लगानी भित्राउने भन्दा नेपालबाट लगानी बाहिर्याउने भूमिका खेल्न सक्छ। त्यसैले यो तीन पुस्ते व्यारियर हटाउन नेतृत्वमार्फत तत्कालै पहल गर्नेछु ’ रेग्मीले भने ।
यसको विकल्पमा तत्काललाई सात पुस्तासम्म पु¥याउन आधारसहित कार्यपत्र पेश गरेर नेपाल सरकारसँग लबिङ गर्ने, गैरआवासीय नेपाली नागरिकता प्राप्त भएपछि अब गैरआवसिय नेपाली संघको उद्देश्यहरु रिभ्युगरी प्राथमिकतामा राखेर संघको आगामी १० वर्षको ठोस कार्यदिशा र योजना बनाउन पहल गर्ने योजना उनले आफ्नो चुनावी एजेन्डा मार्फत अघि सारेका छन ।
यसैगरी, गैरआवासीय नेपालीहरुलाई नेपालमा सामूहिक लगानी गर्न मनोवल बढाउन सरकारका सम्बन्धित निकायसँग सहकार्य गर्दै विभिन्न मोडलका योजना निर्माण गर्ने, समृद्ध नेपाल बोलिमा होइन योजना नै बनाएर नेपाल सरकारलाई कार्यपत्र पेश गर्न काम गर्ने, ज्ञान, सीपको आदान प्रदान गर्न ठोस कार्यक्रम बनाएर व्यवासायी, बौद्दिक वर्ग र पेशाकर्मीहरुसँग छलफल र सहकार्य गर्ने उनको एजेन्डा छ ।
त्यसैगरी, वर्तमान समयमा आइसीसीका अधिकांश कामहरूलाई एनसीसीहरूले हरेक प्रकारले सहयोग गर्दै आइरहेकोमा आगामी दिनमा आइसीसीले एनसीसीलाई पनि अझ बढी सहयोग गर्ने वातावरणको सिर्जना गर्ने, दोहोरो सहकार्यका लागि भूमिका खेल्ने, आइसीसी र एनसीसीको प्रत्यक्ष कम्युनिकेसनको वातावरण बनाउने, विगत केही वर्षदेखि देखिएको एनसीसी र आइसीसीबीचको प्रतिधिनिधि विवाद हटाउन सबै एनसीसीको कार्यसमितिको अभिलेखालय राखेर संगठन पारदर्शी बनाउँदै प्रतिनिधि विवाद सधैको लागि अन्त्य गर्ने योजना उनले अघि सारेका छन ।
आइसीको योजना अनि कार्यक्रमहरूलाई हरेका एनसीसीसम्म पु¥याउन समन्वयकारी भूमिकामा खेल्ने,आइसीसी सचिवको रुपमा महासचिव र अध्यक्षलाईसाथ दिँदै समितीमा सक्रिय भूमिका खेल्ने रेग्मीको चुनावी एजेन्डा छ । यस्ता विविध एजेन्डालाई अघि सारेर आफुले आगामी निर्वाचन जित्ने दावी उनको छ ।