१० असोज/ अर्थ र व्यापार – दसैं, तिहार र छर्ठपर्व लगायतका चार्डपर्व नजिकिएसँगै अहिले नक्कली पैसाको बिगबिगी हुन थालेको छ । डान्स बारमा मदिरा खाएर तिरेको नक्कली नोट पाईएपछि एक युवक समातिएका छन्। सुर्खेत भेरीगंगा नगरपालिका घर भएका २० वर्षीय ह्विल वलिलाई प्रहरीले नियन्त्रणमा लिएको हो।
उनको साथबाट प्रहरीले चार थान हजार रुपैयाँका नक्कली नोट फेला पारेको जनाएको छ । काठमाडौंको गोंगबुस्थित नयाँ बसपार्क नजिकै एक डान्स बारमा उनले मदिरा पिएर हजारको नोट दिएका थिए । त्यसपछि शंका लागेर प्रहरी पुगेपछि उनलाई पक्राउ गरेको थियो।
प्रहरीसँगको बयानमा उनले यो नक्कली नोट आफूलाई साथीले सापटी तिर्दा दिएको बताएका छन्। उनी सुर्खेत काठमाडौं चल्ने गाडीका सहचालक हुन्। प्रहरीले उनको समुहबाट यस्तो नक्कली नोट धेरै भएको हुन सक्ने भएकाले थप अनुसन्धान जारी राखेको बताएको छ ।
तपाईको प्रतिक्रिया