४ असोज/अर्थ र व्यापार – सरकारले सुरु गरेको रत्नपार्क–सूर्यविनायक द्रुत बस सेवाले पहिलो दिनमैै सो रुटमा चल्ने अन्य सवारी साधन घण्टौंसम्म जाममा बस्न बाध्य भए भने ट्राफिक व्यवस्थापन पनि निकै अस्तव्यस्त भएको थियो ।
सवारी साधनको चप अनुसार उसैत साघुरो सडकमा रातो रंग पोतिएको डेडिकेटेड लेन अन्यलाई नदिँदाको असरले द्रुत बस सेवा सञ्चालनको पहिलो दिनमै ट्राफिक व्यवस्थापनमा यस्तो भद्रगोल अवस्था आएको हो ।
बिहीबार बिहान ट्राफिक प्रहरीले द्रुत सेवा दिने २५ वटा बसका लागि छुट्याइएको लेनमा अरु सवारी साधन गुड्न नदिइएपछि काठमाडौ उपत्यकाको यस रुपमा ट्राफिक व्यवस्थापन अस्तव्यस्त हुन पुगेको हो।
भक्तपुरको सूर्यविनायक–रत्नपार्क रुटमा द्रुत सेवा दिने बसका लागि छुट्याइएको लेनमा अरु सवारीसाधन चल्न नदिएकाले अन्य सवारी साधनलाई आफ्नो गन्तव्यमा पुग्न निकै सास्ती भोग्नुपरेको थियो ।
दु्रत बस सेवा सञ्चालनकालागि भन्दै सडकमा पर्याप्त मात्रामा ट्राफिक परिचालन गरिएका छन्। सडकमा खटिएका ट्राफिक प्रहरीले रातो रंग पोतिएका लेनमा द्रुत सेवा दिने २५ वटा बस बाहेक अन्य सवारीसाधन चलाउन नदिएपछि अहिले सो रुटमा ट्राफिक व्यवस्थापन कार्य एकदमै अस्तव्यस्त भएको छ ।

बिहीबार विशेषगरी ठिमीदेखि कोटेश्वरसम्म ट्राफिक व्यवस्थापन अस्तव्यस्त भएको छ । नेकपा एमालेका अध्यक्ष केपी शर्मा ओली समेत ट्राफिक जामका साक्षी बनेका थिए । उनको गाडी पनि लामो समयसम्म लोकन्थली चोकमा ट्राफिक जाममा परेको थियो। बानेश्वर, कोटेश्वर, भक्तपुर रुटमा बिहान अफिस समयमा भएको जाम अहिले साढे १२ बजिसक्दा पनि समान्य अवस्थामा नआएको ट्राफिक प्रहरीले जनाएको छ ।

बुधबार भौतिक पूर्वाधार तथा यातायात मन्त्रालय र नेपाल यातायात व्यवसायी राष्ट्रिय महासंघको सक्रिएतामा सो दु्रत बस पहिलोपटक सञ्चालनमा आएको हो ।