१२ असार/अर्थ र व्यापार – प्रहरीको केन्द्रीय अनुसन्धान ब्यूरो सिआइबिीको टोलीले ललिता निवास प्रकरणमा संलग्न भाटभटेनीका संचालक मीनबहादुर गुरुङसँगै अन्य थप चार जना पनि पक्राउ भई प्रहरी खोरमा पुगेका छन्। मंगलबार बिहान गुरुङलाई पक्राउ गरेको थियो।
गुरुङसँगै डिल्लीबजार मालपोत कार्यालयका तत्कालीन कर्मचारीहरु समेत समातिएका हुन्। प्रहरीले कर्मचारी कलाधर देउजा, सुरेन्द्रमान कपाली, धर्मप्रसाद गौतम र भुपेन्द्रमणि केसीलाई नियन्त्रणमा लिएको हो।

ललिता निवास जग्गा प्रकरणमा मुछिएका अन्य केही मानिसलाई पनि निगरानीमा राखेर पक्राउ गर्ने तयारी गरिरहेको छ ।
२०७६ माघ २२ गते अख्तियार दुरुपयोग अनुसन्धान आयोगले विशेष अदालतमा ललिता निवासको १ सय १३ रोपनी जग्गा हिनामिना भएको भन्दै मुद्दा दायर भएको थियो। जसमा १ सय ७५ जना विरुद्ध मुद्दा दायर गरेको थियो।