१२ असार/अर्थ र व्यापार – भाटभटेनी सुपर मार्केटका सञ्चालक मीनबहादुर गुरुङ पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी)को टोलीले उनलाई नक्सालबाट पक्राउ गरेको हो ।
बहुचर्चित ललिता निवास जग्गा प्रकरणमा गुरुङलाई नक्सालस्थित आफ्नै निवासबाट पक्राउ गरेको हो । यसअघि २०७७ माघमा विशेष अदालतको सरकारी जग्गा व्यक्तिको नाममा परेको मुद्दामा उनलाई २ करोड धरौटीमा छोडेको थियो । अहिले कीर्ते मुद्दामा सीआईबीले अनुसन्धान गरिरहेको छ ।

सोही क्रममा उनी पक्राउ परेका हुन् ।
ललिता निवास प्रकरणमा मुछिएका व्यवसायी गुरुङलाई थप अनुसन्धानकालागि मंगलबार आफ्नै घिरबाट पक्राउ गरेको छ । भाटभटेनी नेपालको सबैभन्दा ठूलो चेन भएको सुपरमार्केट हो ।बालुवाटारको ललिता निवास जग्गा हिनामिना प्रकरणमा मुछिएका गुरुङलाई यसअघि विशेष अदालतले धरौटीमा रिहा गर्न आदेश दिएको थियो ।

न्यायाधीशद्वय प्रेमबहादुर कार्की र अब्दुल अजिज मुसलमानको संयुक्त इजलासले गुरुङलाई २ करोड धरौटीमा रिहा गर्न आदेश दिएको थियो।
अख्तियारले दुरुपयोग अनुसन्धान आयोगले गुरुङसँग ५० करोड ४७ लाख रुपैयाँको बिगो मागदाबी गर्दै विशेष अदालतमा मुद्दा दायर गरेको थियो। अहिले प्रहरीले पुनः गुरुङलाई पक्राउ गरेको हो।