२८ बैशाख/अर्थ र व्यापार – निर्वाचन आयोगले आगामी सात दिनभित्र ८२ वटा राजनीतिक दललाई आर्थिक वर्ष २०७८/०७९को लेखा परीक्षण सार्वजनिक गर्न निर्देशन दिएको छ ।
बिहीबार आयोगले एक विज्ञप्ति जारी गर्दै आगामी सात दिनभित्र लेखा परीक्षण सार्वजनिक गर्न ८२ वटा राजनीतिक दललाई निर्देशन दिएको हो ।

राजनीतिक दल सम्बन्धी ऐन, २०७३ को दफा ४१ को उपदफा (१) बमोजिम आयोगमा दर्ता कायम रहेका राजनीतिक दलहरुले आर्थिक बर्ष समाप्त भएको ६ महिनाभित्र कानुन बमोजिम इजाजत प्राप्त लेखा परीक्षकबाट लेखा परीक्षण गराई एक महिनाभित्र आयोगमा सो लेखा परीक्षणको प्रतिवेदन पेश गर्नुपर्ने कानुनी व्यवस्थाको स्मरण समेत गराएको छ ।