७ चैत/अर्थ र व्यापार – सरकारी स्वामित्वको नेपाल वायुसेवा निगमको उडानमा यात्रुकोका लगेज, ब्याग तोडफोड भएको घटना सार्वजनिक भएको छ ।
निर्वाचन आयोगका सचिव गोकर्णमणि दवाडीले आज नेपाल वायुसेवा निगमको विमानमार्फत काठमाडौंबाट भारतको दिल्ली जानेक्रममा आफ्नो ब्यागेज तोडफोड गरिएको अवस्थामा फेला परेको उल्लेख गरेका छन् ।
नेपाल वायुसेवा निगमबाट दिल्ली पुगेपछि लगेज हेर्दा तोडफोड गरिएको अवस्थामा हात परेको दवाडीको भनाइ छ । उनले यसको जिम्मा कसले लिने भन्दै प्रश्न गरेका छन् ।

‘नेपाल एयरलाइन्सबाट दिल्ली पुगेपछिको पहिलो उपहार लथालिङ्ग पारिएको फुटाइएको ब्यागेज हात पर्यो’ दवाडीले सामाजिक सञ्जालमा लेखेका छन्, ‘यसको जिम्मा कसले लिने ? तिम्रो अनुसन्धान गर्दै गरौला । मैले अब मेरो सामान बोक्न डोको नै खोज्नु पर्यो?’
यसअघि पनि विमानस्थलका कर्मचारीहरुले विदेशबाट आउने यात्रुको लगेज पटकपटक फुटाउने गरेको गुनासो आउने गरेको थियो । अहिले भने नेपाल सरकारका सचिव नै यसको सिकार बनेका छन् । अब यो घटनाले निगमको हवाई सुरक्षामा थप प्रस्न उब्जिएको छ ।