२३ माघ/अर्थ र व्यापार – राष्ट्रिय स्वतन्त्र पार्टीका मन्त्रीहरूले आइतबार राजीनामा दिएपछि खाली भएको श्रम, रोजगार तथा सामाजिक मन्त्रालय र शिक्षा दुवै मन्त्रालय प्रधानमन्त्री पुष्पकमल दाहालले सम्हाल्ने भएका छन् ।
रास्वपाबाट मन्त्री बनेका डोल प्रसाद (डिपी)अर्याल, शिशिर खनाल र तोसिमा कार्कीले आइतबार प्रधानमन्त्री समक्ष राजीनामा बुझाएका थिए ।
उनीहरुको राजिनामापछि रित्त रहेको श्रम, रोजगार तथा सामाजिक सुरक्षा मन्त्रालय र शिक्षा, विज्ञान तथा प्रविधि मन्त्रालयको जिम्मेवारी प्रधानमन्त्री दाहाल आफैंले नै सम्हाल्ने भएका हुन् ।
उनीहरूको राजीनामा आएको भोलिपल्ट सोमबार प्रधानमन्त्री दाहालको सिफारिसमा राष्ट्रपति विद्यादेवी भण्डारीले ती मन्त्रालय प्रधानमन्त्री पुष्पकमल दाहालले नै सम्हाल्ने गरी तोकेकी हुन् ।
यसअघि रास्वपाका सभापति रवि लामिछाने गृह मन्त्रालयबाट पदच्युत भएपछि पनि गृह मन्त्रालय प्रधानमन्त्री दाहालको मातहतमा रहँदै आएको छ ।
प्रधानमन्त्री दाहाल नेतृत्वको सरकारमा एक राज्यमन्त्रीसहित ३ मन्त्रालय पाएको रास्वपा सरकारलाई दिएको समर्थन कायम राख्दै आइतबार सरकारबाट बाहिरिएको थियो ।
तपाईको प्रतिक्रिया