१५ माघ/अर्थ र व्यापार – ललितपुरमा विदेशी ब्रान्डको नक्कली मदिरा बनाउने कारखाना फेला परेको छ । नक्कली मदिरा बनाउने कारोबारमा संलग्न तीन जनालाई पक्राउ गरेपछि सो कारखानामा यस्तो धन्दा चलाईरहेकोबारे जानकारि भएको प्रहरीले जनाएको हो।
प्रहरीका अनुसार ललितपुरको महालक्ष्मी नगरपालिकामा कारखाना सञ्चालन गरेर विदेशी ब्राण्डका ब्ल्याक लेबलसहितका अनेकथरि मदिरा बनाउने कार्यमा संलग्नलाई पक्राउ गरिएको छ । सो कारखानामा नेपाली मदिराको ब्रान्ड पनि नक्कली बनाउने गरेको पाइएको प्रहरीले जनाएको छ ।
उपत्यका प्रहरी कार्यालयको अनुगमन टोलीले विशेष सूचनाको आधारमा दोलखाको कालीञ्चोकका निरज पौडेलसहित तीन जनालाई पक्राउ गरेको हो । पक्राउ पर्नेमा एक जना सञ्चालक र दुई जना विक्रेता भएको प्रहरीले जनाएको छ।
नक्कली मदिरा कुपण्डोल, नयाँ बसपार्क लगायतका क्षेत्रबाट बिक्री हुने गरेको खुलेको प्रहरीले जनाएको छ । अहिले यस्तो अवैध धन्दाबारे थप अनुसन्धान भइरहेको प्रहरीले जनाएको छ ।
तपाईको प्रतिक्रिया