logo

सरकारले अघि सारेको विविध कार्यक्रममा सहभागी हुन प्रदेश सांसद्को आग्रह

    541   पटक पढिएको



२५ मंसिर/अर्थ र व्यापार – बागमती प्रदेशका नवनिर्वाचित प्रदेश सांसद् प्रकाश श्रेष्ठले स्थानीय महिला एवं युवालाई स्वरोजगारी र आर्थिक रुपले सम्बृद्ध बनाउन सरकारले अघि सारेको विविध कार्यक्रममा सहभागी हुन आग्रह गरेका छन ।
शनिबार सम्पन्न तारकेश्वर नगरपालिका ४ र ५ लोलाङस्थित जनजागृति टोल सुधार समितिको नवौं वार्षिक साधारण सभा तथा तेस्रो अधिवेशनमा बागमती प्रदेशका नवनिर्वाचित प्रदेश सांसद् श्रेष्ठले स्थानीयवासीलाई यस्तो आग्रह गरेका हुन ।
उनले यस प्रदेश सरकारले विभिन्न क्षेत्रका स्थानीय महिला एवं युवालाई लक्षित गरि सीपविकास तथा स्वरोजगारमुलक व्यवसाय सञ्चालन गर्दै उनीहरुको जिवनस्तर उकासेर आर्थिक रुपले सम्बृद्ध बनाउन विभिन्न कार्यक्रम ल्याएपनि अझै लक्षित वर्गले अपेक्षाकृत रुपमा लाभ लिन नसकेको बताए । उनले सरकारले लागु गरेका यस्ता राम्रा कार्यक्रमकालागि स्थानीय जनप्रतिनिधी तथा टोलसुधार समितिले नै सरकारका विविध कार्यक्रममा स्थानीय महिलाहरुको सहभागीता एवं पहुँच बढाउने भूमिका खेलिदिनुपर्नेमा जोड दिए ।
उनले यस्ता कार्यक्रममा सहभागी हुन अब यो टोल समिति मार्फत आवस्यक क्षमता अभिबृद्ध तालिम र सहुलियत कर्जा लिन आवस्यक प्रस्ताव लिएर आफुकहाँ आउन स्थानीयवासीलाई आग्रह गरे । बागमती प्रदेश सरकार मार्फत १ करोड रुपैयाँ तारकेश्वर नगरपालिकाबाट १ करोड गरि दुई करोड रुपैयाँ युवा एवं महिला शशक्तिकरण कार्यक्रमकालागि सरकारले खर्च गर्न लागेको जानकारी गराउँदै उनले यो कार्यक्रमबाट उचित लाभ लिन सबैलाई आग्रह गरे ।
तारकेश्वर नगरपालिकाका उप प्रमुख सृर्जना बुर्लाकोटी अर्यालले पनि स्थानीय सरकारबाट प्राप्त हुने यस्ता कार्यक्रमबाट उचित फाइदा उठाउन स्थानीयवासीलाई आवहान गरिन । उनले यस्ता विविध राम्रा कार्यक्रमको सहज पहुँच विस्तार गरि धेरै भन्दा धेरै नागरिकलाई लाभान्वित बनाउने उदेस्यले नगरपालिका मार्फत आफुहरुले सक्दो प्रयास गरिरहेको बताइन् । जसकालागि स्थानीय उपभोक्ता समितिको काम एकदमै महत्वपूर्ण हुने उनको भनाई थियो।
तारकेश्वर नगरपालिका–५ का वडाप्रमुख सम्भुप्रसाद फुँयालले पनि आफुले यस क्षेत्रका स्थानीयवासीलाई सहज रुपमा यस्ता कार्यक्रममा सहभागी गराउन आफुहरुले सक्दो प्रयास गर्ने बताए । उनले यस क्षेत्रका हरेक विकास निर्माणका काममा आफुले स्थानीय टोलबासीसँग आपसी सहकार्य गरि अघि बढ्ने नीति लिएको बताए । यसैगरि, उनले तानपा–५ नं. वडाको फोहोर उचित व्यवस्थापन गरि आम्दानीको राम्रो स्रोत बनाउने र स्थानीयवासीलाई रोजगार उपलब्ध गराउन आफुले विशेष पहल गरिरहेकाले अब यो प्रयासमा प्रदेश सरकारले पनि थप सहयोग गरिदिनुपर्ने बताए ।
उनले यस नगरपालिकामा खानेपानीको सहजआपूर्तिको व्यवस्था मिलाउन आफुहरुले धेरै काम अघि बढाएको जानकारि गराए । पुरानो मुहानबाट ल्याईएको खानेपानी स्थानीयवासीको घरका धारामा झर्न छाडेको व्यापक जनगुनासो आएपछि उपयुक्त ठाउँमा नयाँ डिप बोरिङ खनेर छिटै यहाँका उपभोक्तालाई खानेपानीको सहज आपूर्तिको व्यवस्था मिलाउन आफुले सक्दो प्रयास गरिरहेको बताउँदै उनले स्थानीय सरोकारवाला निकायलाई जतिसक्दो छिटो काम सम्पन्न गर्न जोड गरेको जानकारि गराए ।
उनले खानेपानीको समस्या मात्र नभएर अहिले यस क्षेत्रमा फोहोर व्यवस्थापन, सार्वजनिक जग्गाको उचित व्यवस्थापन, सडक विस्तारका काम लगायत हरेक क्षेत्रमा आफुले सक्दो प्रयास गरेको बताउँदै उनले स्थानीय टोलवासीलाई आफ्ना आवस्यक समस्याका बारेमा जनप्रतिनीधीलाई खुलेर माग गर्न समेत आग्रह गरे ।
समाजको विकासमा स्थानीय टोलवासीको महत्वपूर्ण भूमिका हुने भएकाले उनले यस टोल सुधार समितिलाई पूर्वाधार विकासमा हालसम्म गरेको सहकार्य जस्तैगरि आगामी दिनमा पनि यस क्षेत्रका विकृति विसंगति हटाउन स्वयंम टोलवासी सचेत हुनुपर्ने धारणा राखे । यसैगरि, उनले यहाँका स्थानीय स्रोत साधनको उचित सदुपयोग गरि आफ्नो क्षेत्रभित्र भएका मुहानको पानी बाहिर जान नदिने लक्ष्यकासाथ आफुले काम गर्ने आश्वासन दिए ।
समितिका निवर्तमान अध्यक्ष तोकबहादुर तामाङले अहिलेसम्म यस क्षेत्रमा भएका विविध कार्यहरुका बारेमा जानकारि गराएका थिए ।
सो कार्यक्रममा जितगुरु सहकारीका अध्यक्ष कमलप्रसाद रिमाल, संस्कृत शिक्षा सदनका प्रवन्ध निर्देशक रवि केसी लगायतले अहिलेसम्म यो क्षेत्रमा भएका गतिविधीहरुका बारेमा सम्बन्धीत सरोकारवालाहरुको ध्यानाकर्षण गराएका थिए । सोही कार्यक्रममा समितिले टोलमा बसेर राम्रो काम गरेको भन्दै रामबहादुर थापा, डिलबहादुर गुरुङ, हरिचन्द्र घिमिरे लगायतलाई सम्मान गरेको थियो ।
यसैबीच, जनजागृति टोल सुधार समितिको अध्यक्षमा राजकुमार प्रधान, उपाध्यक्षमा सलिना अर्याल, सचिवमा रुद्रबहादुर राउत, सहसचिवमा निलनाथ आचार्य, कोषाध्यक्षमा हरिचन्द्र घिमिरे निर्वाचित भएका छन ।
यसैगरि, कार्यसमिति सदस्यहरुमा गोपाल श्रेष्ठ, दिलिप देवकोटा, पूर्ण गुरुङ, मैनाकुमारी वन कार्की, पुष्पा गुरुङ, गोमा बल्छौंडी, भगवान पोख्रेल र सुजित मैनाली निर्वाचित भएका छन । कुल १३ सदस्यीय उनीहरु सबैजना सर्वसहमतीको आधारमा आगामी दुई वर्षे कार्यकालकालागि निर्वाचित भएका हुन ।

तपाईको प्रतिक्रिया

सम्बन्धित शीर्षकहरु

मुख्य खबर

नवनियुक्त प्रधानमन्त्री ओलीले पहिलो दिनमै गठन गरे २२ सदस्यीय मन्त्रिपरिषद

आफु प्रधानमन्त्री भएको पहिलो दिन सोमबार नवनियुक्त प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् ।

अख्तियारले भ्रष्टाचारको गोप्य उजुरीमा अब संकेत नम्बर राख्ने

अख्तियार दुरुपयोग अनुसन्धान आयोगले गोप्य उजुरीलाई अब संकेत नम्बर दिएर दर्ता गर्ने भएको छ । उजुरीकर्ताले आफ्नो नाम तथा ठेगाना गोप्य राख्ने गरी उजुरी दिएको खण्डमा आयोगले संकेत नम्बर प्रयोगको व्यवस्था गरेको हो ।

समृद्धि बहस मेगा टक शो आयोजना हुने

प्वाईन्ट मिडिया प्रा.लि.ले आगामी २८ असारमा समृद्धि बहस मेगा टक शो आयोजना गर्ने भएको छ । अर्थतन्त्रका विविध विषयमा सम्बन्धित सरोकारवाला, सरकारी निकाय, तथा निजी क्षेत्रको उपस्थितीमा बृहत छलफल

प्रकाशकीय : विकास र समृद्धिका लागी पत्रकारिता

मुलुकको अर्थतन्त्र कुनै न कुनै रुपमा लामो समयदेखि समस्यामा छ । नेपाल राष्ट्र बैंक र सरकारी निकायहरुले मुलुकको अर्थतन्त्रमा कुनै समस्या नरहेको वताए पनि यथार्थमा त्यस्तो देखिँदैन । बाह्य क्षेत्रमा सुधार देखिए पनि आन्तरिकतर्फ

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।