३० असोज/अर्थ र व्यापार – शताब्दी पुरुष सत्यमोहन जोशीको आइतबार बिहान उपचारको क्रममा निधन भएको छ । किष्ट मेडिकल कलेजमा आइतबार बिहान ७ बजेर ९ मिनेटमा उनको निधन भएको हो ।
मृत्युअघि नै संस्कृतिविद् जोशीले आफ्नो शरीर दान गर्ने घोषणा गरेका थिए । सोही घोषणा अनुसार नै उनको पार्थिव शरीरलाई मेडिकल शिक्षा अध्ययन गर्ने विद्यार्थीका लागि नजलाई अस्पतालमा राखिने भएको छ ।
उनको शरीर नगल्ने केमिकल प्रयोग गरेर किष्ट मेडिकल कलेजमै राखिने अस्पतालका प्रोफेसर डाक्टर किशोर सिंह बस्नेतले जानकारी दिए ।
उनको पार्थिव शरीररलाई अन्तिम श्रद्धाञ्जलीका लागि आज ललितपुर महानगरपालिका परिसरमा राखिने छ । त्यसपछि शरीर नगल्ने केमिकल प्रयोग गरेर उनको शरीर अध्ययनका लागि राखिने छ ।
सत्यमोहनले मृत्युपछि आफ्नो शरीर किष्ट मेडिकल कलेजलाई अध्ययनका लागि शरीर दान गर्ने घोषणा पहिल्यै गरेकाले उनकै इच्छा अनुसार हुने ललितपुर महानगरपालिकाका मेयर चिरीबाबु महर्जनले बताए ।
किष्ट मेडिकल कलेजले जोशीको निःशुल्क उपचार गर्दै आएको थियो ।