३ असोज/अर्थ र व्यापार – सरकारले संविधान दिवसको अवसरमा ६० जना भन्दाबढी उद्योगी व्यवसायी र बैंकरलाई विभिन्न पदकबाट विभुषित गरेको छ । सरकारले नेपालको उद्योग व्यवसायमा योगदान दिएका उद्योगी व्यवसायी तथा बैंकरहरुलाई सोमबार विभिन्न पदकबाट विभूषित गरेको हो ।
सरकारले स्वर्गीय उद्योगी÷व्यवसायी प्रभाकर शमशेर जबरालाई प्रसिद्ध प्रबल जनसेनानीबाट विभूषित गरेको छ । यसैगरि, व्यवसायी चन्द्रप्रसाद ढकाल र व्यवसायी पशुपति मुरारकालाई सुर्कीर्तिमय राष्ट्रदीप पदकबाट विभूषित गरेको छ ।
यसरी विभुषित हुने व्यवसायीहरुमा नेपाल उद्योग वाणिज्य महासंघका पूर्व अध्यक्ष मुरारका र महासंघका बरिष्ठ उपाध्यक्ष चन्द्रप्रसाद ढकाल रहेका छन् । राष्ट्रपति विद्यादेवी भण्डारीले मुरारका र ढकाललाई सुकीर्तिमय राष्ट्रदीपबाट विभुषितको घोषणा गरेकी हुन । यसैगरि, सुप्रवल जनसेवाश्रीबाट विभुषित हुनेहरुमा कुसुम लामा, राजेशकुमार अग्रवाल, राम थापा, शशीधर शर्मा, अरुणकुमार केसी, जगदिशप्रसाद अग्रवाल, मुरलीधर रुङटा र बोनिगोपाल मुन्धडा रहेका छन ।
यसैगरी, प्रवल जनसेवाश्रीबाट सुशीलकुमार गोयन्का, सुनिलकुमार बंशल,विनोद थकाली, भारतप्रसाद पराजुली, बालकृष्ण भुसाल, भीमप्रसाद घिमिरे, सुरेन्द्रकुमार गोयल, राजेन्द्र अर्याल, खुमबहादुर सुवेदी, अशोककुमार वैद्य, प्रतापजंग पाण्डे, प्रेमकुमार श्रेष्ठ, पवनकुमार अग्रवाल र कुमुदकुमार दुगड विभुषित भएका छन् ।
त्यसैगरि, जनसेवाश्रीबाट सुमन पाण्डे, मिङमा शेर्पा, राजेन्द्र अग्रवाल विभुषित भएका छन् । विकासरत्नश्री पदकबाट विनायक शाह, शिक्षा भट्टचन, आङगेलु शेर्पा र यमुना श्रेष्ठ रहेका छन् । यस्तै, समाजसेवी पशुपति भण्डारी प्रवल जनसेवाश्रीबाट विभुषित भएका छन ।
होटल व्यवसायी सृजना राणा पनि सोही पदकबाट विभूषित भएकी छिन । नबिल बैंकका सीइओ ज्ञानेन्द्र प्रसाद ढुंगाना र एनएमबि बैंकका सीइओ सुनिल केसी सुप्रवल जनसेवाश्री पदकबाट विभुषित भएका छन् ।
प्रबल जनसेवाश्री पदकमार्फत विभूषित हुनेमा उद्योगी बालकृष्ण भुसाल, प्रतापजंग पाण्डे वीरगन्ज उद्योग वाणिज्य संघका अध्यक्ष एवं उद्योग वाणिज्य महासंघका केन्द्रीय सदस्य डा. सुबोधकुमार गुप्ता, सुरकृष्ण वैद्य पनि प्रबल जनसेवाश्री पदकमार्फत विभूषित भएका छन् ।
कीर्तिमय राष्ट्रदीपबाट गैरआवासीय नेपाली संघका पूर्व अध्यक्ष जीवा लामिछाने, एनआरएनएका अध्यक्ष कूल आचार्य पनि सम्मानित भएका छन् । यस्तै, प्रवल जनसेवाश्रीबाट व्यवसायी सुशील कुमार गोयन्का, महेन्द्रकुमार श्रेष्ठ, सुनिलकुमार बंशल, खेमबहादुर केसी, यादव कुँवर, विनोद थकाली, ओमकार गौचन, गोविन्दप्रसाद थपलिया, बटु लामिछाने, दीपेन्द्रकुमार कलवार सम्मानित भएका छन् ।
सरकारले सोमबार विभिन्न क्षेत्रमा योगदान पुर्याएको भन्दै ९९८ जनालाई विभिन्न मानपदवी, अलंकार र पदकद्वारा विभूषित गरेको हो । यसपाली सरकारले नेपाल रत्न स्वर्गीय पूर्वप्रधानमन्त्री सुशील कोइरालालाई मरणोपरान्त प्रदान गर्ने घोषणा गरेको छ । राष्ट्र गौरव स्वर्गीय जीवराज न्यौपाने, मन्त्रिपरिषद्का पूर्वअध्यक्ष र सत्यमोहन जोशीलाई प्रदान गरिने भएको छ ।