१३ भदौ /अर्थ र व्यापार – मापदन्ड विपरित बनाईएका संरचना भत्काउँदै काठमाडौंको न्यूरोडस्थित बिरा कम्प्लेक्समा पुगेको महानगर प्रहरी टोलीलाई त्यहाँका व्यवसायीले अवरोध गरेका छन ।
अवरोधमा उत्र्रिएका काठमाडौ महानगरपालिकाको टोली र व्यवसायीबीच सोमबार निकै घम्साघम्सी भएको छ ।
सोमबार अवैध संरचना हटाउन र अनुगमन गर्न पुगेको महानगर प्रहरीसहितको टोलीलाई त्यहाँका व्यापारीहरुले अण्डरग्राहउण्ड पार्किङको मुखैमा छेकेर अवरोध गरेका हुन् ।
बिरा कम्प्लेक्सभित्र रहेको होलसेल पसल अनुगमन गर्न पुगेको महानगर प्रहरी व्यापारीको अवरोधका कारण प्रवेशद्वारमै रोकिएका छन् । महानगरले बिरा कम्प्लेक्सको भुईंतलामा रहेको पसलहरु अवैध रहेको भन्दै हटाउन पुगेको थियो ।

अहिले त्यहाँ व्यवसायीलाई महानगरको टोलीलाई भित्र बस्न नदिएर निकै अवरोध गरिरहेका छन भने महानगरको टोली पेलेरै भएपनि जसरी पनि सो कम्प्लेक्सभित्र पसेर अवैध संरचना तथा अन्डरग्राउन्ड भित्रका पसलहरु हटाउने प्रयास गरिरहेको छ ।
अहिलेसम्म जारी रहेको यो घम्साघम्सी अझै थप समय लम्बिरहे त्यहाँ व्यपारी र काठमहानगरपालीकाका प्रतिनिधीहरुबीच झडपको स्थिती उत्पन्न हुन सक्दे देखिएको छ ।