logo

अल्फाबिटामा बालेनको गर्जन: घरधनीका घरको नक्सा मसँग हुन्छ कि तपाईसँग ?

    256   पटक पढिएको

९ भदौ/अर्थ र व्यापार– विगत केही दिनदेखि धमाधम काठमाडौ शहरका अवैध संरचनाहरु हटाउँदै र भत्काउँदै हिँडेका काठमाडौं महागरपालिकाका मेयर बालेन्द्र शाह ( बालेन) बिहीबार बानेश्वरस्थित अल्फाबिटा कम्प्लेक्समा पुगेर प्रतिरोधमा उत्रिएकाहरुसँग गर्जिए ।
नयाँ बानेश्वर क्षेत्रमा रहेको अल्फाबिटा कम्प्लेक्सले आफ्नो भवन अगाडिको भागमा सटर निकालेर फर्मेसी सञ्चालन गर्न दिएको छ । पार्किङ भने सडक पेटीमा हुने गरेको छ ।
त्यस्तो संरचना हटाउन महानगरपालिकाका अन्य प्रतिनिधी र सुरक्षाकर्मी सहित पुगेका मेयर बालेनले भवनको नक्सा खोजे । त्यहाँ उपस्थित अल्फाबिटा हाउसका प्रतिनिधिले उल्टो मेयरसँग नक्सा मागेपछि मेयर बालेनले गर्जिएर प्रश्न गरे ‘तपाईँको घरको नक्सा म सित हुनुपर्छ ?’
त्यपछि अल्फाबिटाका प्रतिनिधिले प्रतिप्रश्न गरे, ‘नगरपालिकामा के हुन्छ त ?’ उनले आफूहरुले कुनै गलत काम नगरेको, तर मिडिया लिएर आएको भन्दै असन्तुष्टि जनाए ।
सोही बादबिबादकाबीच बालेनले काठमाडौ महानगरपालिकाले पत्रिकामा निकालेको ३५ दिने सूचना देखाए । अझै गर्जिएर बोले, ‘यहाँ यत्रो नोटिस दिएको छ, यो के हो ? ३५ दिनभित्र संरचना खाली गर भनेर नोटिस दिएको छैन ? तपाईँको घरको नक्सा मसँग हुन्छ कि तपाईसँग ?’
फेरि अल्फाबिटाका अर्का प्रतिनिधिले भने, ‘बालेन सर, तपाईँ यस्तो आवेगमा आएर नबोल्नुस्, हाम्रो प्रतिनिधि होइन र तपाईँ ?’ निकैबेरदेखि बालेनसँग प्रतिवाद गरिरहेका व्यक्तिले आफुलाई थर्काउन खोजेको भनेर बोलेनलाई ति व्यक्तिले अर्को प्रश्न गरे । तर मेयर बालेनले तत्काल प्रतिवाद गरे । आफूहरुले मिडिया स्टन्ट पनि नगरेको भन्दै उनले महानगरका साढे २ लाख घरमा गएर सूचना दिन नसक्ने भएर पत्रिकामा सूचना निकालेको र अवैध संरचना हटाउनुपर्ने बताए ।
उनले व्यावसायिक प्रयोजनमा बनाईएका यस्ता भवनहरुले आफ्नो पार्किङ बनाउनुपर्ने बताए । महानगरका कर्मचारीले पनि आफूहरुको अफिस नजिकै भएकाले नक्सा लिएर आउन आग्रह गरे । तर अल्फाबिटाका प्रतिनिधिले भने लिखित दिए आफुहरु अझै वकिलसहित आउने बताए ।
उनीहरुले आफूहरुले राज्यलाई कर तिरेको भन्दै व्यावसायीलाई सम्मान गर्न समेत मेयर बालेनलाई आग्रह गरे । यस्तो आग्रह, गर्जन र प्रतिवाद सहितको क्रम अल्फाबिटामा धेरै बेरसम्म चलेको थियो ।

तपाईको प्रतिक्रिया

सम्बन्धित शीर्षकहरु

मुख्य खबर

यस्तो छ संसोधित बीमा ऐन–२०७९को नयाँ व्यवस्था

राष्ट्रपति विद्यादेवी भण्डारीले हालै ‘बीमा ऐन २०७९’ लाई स्वीकृत गरेकी छिन् ।

अमेरिकी डलरको भाउ अत्यधिक बढेर नयाँ रेकर्डमा, एक डलरको विक्री मुल्य १३२ रुपैयाँ नाग्यो

अमोरिकी डलरको भाउ अकासिएर नेपालको इतिहासमै नयाँ रेकर्ड कायम भएको छ ।

खाद्य कम्पनीले खसिबोका र च्याङग्राको मुल्य तोकेर विक्री थाल्यो, खसीबोकाको भाउ प्रतिकेजी ६७० र च्याङग्राको १२ सय ५० रुपैयाँ

अकासिदो बजार भाउ नियन्त्रण गर्ने उदेस्यले दसैंका उपभोक्तालाई केही सहुलियत दरमा रसिलो मासु उपलब्ध गर्दै आएको खाद्य व्यवस्था तथा व्यापार कम्पनीले यसपालीको दसैंका लागि जिउँदो खसीबोका र च्याङग्राको मूल्य तोकेको छ ।

मनोरञ्जन

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।