८ भदौ/अर्थ र व्यापार – धमाधम भत्काईएका संरचनाको क्षतिपूर्ति माग्ने व्यापारिसँग काठमाडौं महागरपालिकाका मेयर बालेन्द्र शाहले काठमाडौं महानगरमा गैरकानुनी संरचना बनाएर भाडामा लगाउने घरधनी तथा व्यक्तिहरु नै दोषी हुने भन्दै घरधनी सँगै माग्न भनिदिएका छन् ।
बुधबार न्यूरोड क्षेत्रमा अनधिकृत रुपमा बनाइएका संरचना हटाउन ठूलो संख्यामा प्रहरी र डोजरसहित पुगेका मेयर बालेनले पिडित व्यापारीसँग यस्तो प्रतिक्रिया दिएका हुन् ।
घरधनी प्रति संकेत गर्दै उनले भने, ‘जसले गैरकानुनी संरचनामा भाडामा लगायो, क्षतिपूर्ति उसले दिनुपर्छ, किनकी दोष उसको हो ।’ उनले व्यापारीहरु मारमा नपर्ने आश्वासन समेत दिए ।
बुधबार मेयर बालेनसँग न्यूरोडका स्थानीयले सडकमा बेच्न राखेको पानीपुरीसहितका पसल समेत हटाउन माग गरेका थिए । स्थानीयको सो मागपछि जवाफमा मेयर बालेनले त्यसबारे सूचना दिन आग्रह गरे । उनले भने, ‘नक्सा पासविना बनेका सबै संरचना हट्छन् ।’ ‘अब सबै घरपेटीले अनिवार्य मापदन्ड विपरित बनाईएका संरचना हटाउनुपर्छ’ मेयर बालेनले भने ।