८ भदौ/अर्थ र व्यापार – काठमाडौंमा नक्सापास नगरी अवैध रुपमा बनाइएका संरचनामा काठमाडौं महानगरपालिकाले डोजर चलाएको छ ।
बुधबार बिहान काठमाडौ महानगरपालिकाका मेयर बालेन्द्र शाह (बालेन), काठमाडौं उपत्यका ट्राफिक प्रहरी प्रमुख मीरा चौधरीसहित काठमाडौं मल पुगेका थिए ।
प्रहरीले संचरना भत्काउनु अघि त्यहाँ रहेका मापदन्ड विपरितका पसल खाली गराएको थियो । पछिल्लो समय काठमाडौं महानगरपालिकले आफ्नो क्षेत्रभित्र रहेका भवन तथा घरको नक्सा पास गर्दा लिएको प्रयोजन भन्दा अन्य किसिमले संरचना बनाइएको स्थानमा अहिले धमाधम त्यस्ता संरचना भत्काइरहेको छ ।
केही दिनअघि मात्रै काठमाडौ महानगरपालिकाले काठमाडौको नयाँ बानेश्वर क्षेत्रका अन्डरग्राउण्ड पार्किङमा संचालन भएका पसलहरू भत्काएको थियो ।
अझै मापदन्ड विपरित संचालित यस्ता धेरै संरचना भत्काउने योजनाकासाथ कामनपा अघि बढेको छ ।