१४ बैशाख/अर्थ र व्यापार– सरकारले आगामी १ जेठदेखि शनिबार र आइतबार गरि सातामा २ दिन बिदा दिने निर्णय गरेको छ । सरकारका प्रवक्ता समेत रहेका सूचना तथा सञ्चार प्रविधि मन्त्री ज्ञानेन्द्रबहादुर कार्कीले बुधबार मन्त्रिपरिषदबाट भएको यस्तो निणर्यका बारेमा जानकारि गराएका हुन । उनले आगामी १ जेठदेखि लागू हुनेगरी हरेक दिन बिहान ९ बजेर ३० मिनेटदेखि साँझ साढे ५ बजेसम्म कार्यालय समय कायम गर्ने निर्णय भएको बताए ।
यसअघि पर्यटन क्षेत्रका व्यवसायी एवं सरोकारवालाहरुले मात्र नभएर नेपाल आयल निगम समेतले सरकारलाई सातामा दुई दिन सार्वजनिक बिदा दिन सुझाव दिएको थियो । सोही सुझावको आधारमा यो विषय विचाराधीन रहेकामा मन्त्रिपरिषद बैठकले यस्तो निर्णय गरेको उनले जानकारि दिए । सरकारले यो निर्णयले अब मुलुकमा पेट्रोलियम पदार्थको खपत कम हुने र ब्यापार घाटा समेत कम हुने अपेक्षा गरेको छ ।