११ बैशाख/अर्थ र व्यापार – बहुप्रतिक्षित मेलम्ची खानेपानी आयोजनाको पानी आइतबारबाट बल्ल काठमाडौं आइपुगेको छ । बैशाख महिनाको बढ्दो गर्मिको बेला काठमाडौ उपत्यकावासीको तिर्खा मेटाउन ल्याईएको मेलम्चीको पानी आइतबारदेखि धमाधम वितरण सुरु गरिएको हो ।
खानेपानी मन्त्री उमाकान्त चौधरीले आइतबार बिहान काठमाडौको नयाँबानेश्वरस्थित पानी वितरण केन्द्रबाट उताबाट ल्याईएको पानीको निकास खुला गरेसँगै बिहानैबाट पानी उपभोक्ताको घरका धारामा पुगेको छ ।
गत वर्ष १ र १७ असारमा आएको भिषण बाढीले मेलम्ची खानेपानी आयोजनालाई क्षतिग्रस्त बनाएपछि पानी आपूर्ति रोकिएको थियो ।
सफाइ र मर्मतपछि २९ चैतमा काठमाडौंतर्फ पानी पुनः पठाउने प्रयास भएसँगै बल्ल आइतबारबाट काठमाडौका उपभोक्ताको घरघरमा पानी वितरण थालिएको हो ।