१५ चैत्र / अर्थ र व्यापार- नेपाल एशोशियसन अफ टुर्स एण्ड ट्राभल एजेन्ट्स (नाट्टा) को आगामी चैत्र १७ गते हुने निर्वाचनमा कोषाध्यक्ष पदमा युवा पर्यटन व्यवसायी सुदर्शन नेपालले उम्मेदवारी दिएका छन । नेपालले अध्यक्षका उम्मेदवार विनय बस्नेतको समुहवाट कोषाध्यक्ष पदमा उम्मेदवारी दिएका हुन ।
नेपाल बिग माउण्टेन ट्राभल प्रा.लि.का प्रबन्ध निर्देशक नेपाल सफल युवा पर्यटन व्यवसायीको रुपमा परिचित छन । काठमाडौंको नयाँबजारमा निभास बुटिक होटेल र ठमेलको चाक्सीबारीमा रेस्टुरेन्ट समेत संचालन गरिरहेका नेपालले यसअघि पनि नाट्टा कार्यसमितिमा रहेर कार्य गरिसकेका छन ।
यसअघि एक कार्यकाल नाट्टा कार्यसमितिमा सदस्यको भूमिका निर्बाह गरेका नेपालले आफु नाटटामा रहँदा आँफुले प्रतिबद्धता गरे अनुसारको समय नाट्टा लाइ सम्बृद्ध बनाउन खर्चेको बताउँछन । चाईनिज भासामा राम्रो दख्खल राख्ने उनले चिनियाँ वजार प्रबद्र्धन गर्ने जिम्मेबारी कुशलाता पूर्वक सम्पन्न गरेका थिए ।
कोषाध्यक्ष पदमा उम्मेदवारी दिईरहँदा नाट्टालाई आर्थिक रुपमा स्वच्छ, पारदर्शी र समृद्ध बनाउने आफ्नो एजेण्डा रहेको उनले वताए ।
तपाईको प्रतिक्रिया