logo

यस्ता छन संसारकै सबैभन्दा १० धनी महिलाहरु

    798   पटक पढिएको

२५ फागुन/अर्थ र व्यापार – अमेरिकाको म्यागाजिन फोब्सले सार्वजनिक गरेको सन् २०२२ को संसारभरकै उत्कृष्ट सबैभन्दा १० जना धनी महिलाहरुको सुचीसँगै २३९ जना महिना विश्वको धनाड्य सुचीमा परेका छन् । उनीहरु घरजग्गा, खानी, वित्त, औषधि र अरु विभिन्न क्षेत्रका उद्योगका मालिक हुन् ।
सुचीमा परेका वाल्टन, मार्स, हेनेकेन्स अपरिचित छैनन् भने कतिपय नयाँ अनुसार छन् । धेरै महिला विराशतका आधारमा नभई आफ्नो व्यवसायिक कुशलता कै आधारमा प्रभावशाली बन्न पुगेका छन् । अमेरिकाकी धनी महिला एलिस वाल्टनले गत बर्षको ४० अर्ब डलरमा थप छ अर्ब डलर सम्पत्ति बढाउन सफल भएकी छन् ।
धनी महिलाहरुको सुचीमा धेरै रहे पनि एशियाली महिला भने एक जना मात्रै छिन् । बाँकी सबै पश्चिमा छन् । यसले असमानता भने देखाएको छ । यद्यपि धनी महिलाहरुको संख्या भने अघिल्लो बर्षभन्दा बढ्दै गएको छ ।
यि हुन विश्वका १० धनी महिलाहरु
१. फ्रान्कोसी बेटेनकोर्ट मियर्सः विश्वकै धनी महिला फ्रान्सकी मियर्सको कुल सम्पत्ति ८२.५ अर्ब डलर रहेको छ । उनकी आमा लिलियन बेटेनकोर्ट मृत्यु भएपछि अहिले मियर्सले सोही विरासत सम्हाल्दै आएकी छन् । उनले आमा हुँदैमा लोरेल कम्पनीको सम्पूर्ण जिम्मेवारी आफैले हेर्दै आएकी थिइन् । मियर्सकी आमा पनि विश्वकै धनी महिला हुन् । मियर्सका बाबुले एओरल नामकौ सौन्दर्यसम्वन्धी विशाल कम्पनी स्थापना गरेका थिए र अहिले उनीसँग सोही विरासतको ३३ प्रतिशत सम्पत्ति रहेको छ ।
२. एलिस वाल्टनः अमेरिकाकी एलिस वाल्टनको कुल सम्पत्ति ६६ अर्ब डलर छ । उनी वालमार्टका संस्थापक साम वाल्टनकी छोरी हुन् । साम विश्वको सबैभन्दा सफल रिटेल चेन वालमार्टका संस्थापक हुन् । एलिसले सन् १९८८ मा लामा कम्पनी पनि स्थापना गरेकी थिइन्, तर त्यो बन्द भएको छ । वालमार्टको शेयर मूल्य पाँच प्रतिशतले बढेर उनको सम्पत्ति ७.४ अर्बले बढे पनि उनी पहिलो नम्बरमा भने पर्न सकिनन् ।
३. म्याककेन्जी स्कटः अमेरिका कै म्याककेन्जी स्कट ५२ बर्षीय धनी महिला हुन् । समाजसेवामा समेत सक्रिय उनी साहित्यमा पनि रुची राख्छिन् । स्कटको कुल सम्पत्ति ६० अर्ब डलर छ । एमेजनका प्रमुख तथा विश्वका धनाढ्य जेफ बेजोससँग विवाह गरी पारपाचुके गर्दा प्राप्त सम्पत्तिले उनलाई अर्बपति बनाएको हो । उनले बेजोससँग छुट्टिँदा अमेजनको चार प्रतिशत शेयर प्राप्त गरेकी थिइन् जसको मूल्य त्यतिबेला ३५ अर्ब डलर थियो ।
४. जुलिया कोचः जुलिया कोचको कुल सम्पत्ति ६२ अर्ब डलर रहेको छ । ६० वर्षकी उनी समाजसेवामा बढी सक्रिय छिन् । कोच पनि अमेरिकाकी हुन् । उनलाई जुलिया फ्लेशर कोच पनि भनिन्छ । सन् २०१९ मा मृत्युअघि उनका पति अमेरिकाका सातौं धनाड्य थिए । पतिको सम्पत्तिबाट उनले ४२ प्रतिशत हिस्सा पाइन् जसलाई उनले बढाउँदै लगिन् ।
५. याङ हुइयानः चीनकी याङको कुल सम्पत्ति ३३ अर्ब डलर छ । ४१ वर्षकी उनी चीनको सबैभन्दा धनी महिला हुन् । उनको घरजग्गा व्यवसाय छ । उनी २५ वर्षकै उमेरमा चीनको धनाढ्य मध्यमा थिइन् ।
६. ज्याकलिन मार्सः अमेरिकाकी ज्याकलिनको कुल सम्पत्ति साँढे ४४ अर्ब डलर छ । ८३ वर्षीया उनी मार्स कम्पनीकी उत्तराधिकारी हुन् । उनी समाजसेवामा सक्रिय छिन् ।
७. सुसान क्लाट्टेनः जर्मनीकी सुसानको कुल सम्पत्ति साँढे साँढे २९ अर्ब डलर छ । उनी विश्व चर्चित कारहरु बिएमडब्लु, मिनि कपर मार्कु र रोल्स रोइस ब्रान्डकी मालिक हुन् । ६० वर्षकी सुसानले विज्ञापन कम्पनीमा समेत काम गरेकी थिइन् ।
८. फान हङवीः हेङली पेट्रोकेमिकलकी मालिक उनको कुल सम्पत्ति १५ अर्ब ७० करोड डलर छ । उनी आफ्नै परिश्रमबाट बनेकी महिला हुन् । चीनकी फानको सम्पत्ति बढ्दो छ ।
९. इरिस फोन्टबोनाः चिलीकी इरिसको कुल सम्पत्ति साँढे १४ अर्ब डलर रहेको छ । ८० वर्षीया इरिसलाई चिलीको खनिजकी रानी भनिन्छ । तामाखानी कम्पनी चलाएर उनले ठूलो धनराशी आर्जन गरेकी छिन् । उनको बैंक, रक्सी र जहाज कम्पनीमा पनि लगानी छ । उनले अपाङ्ग बालबालिकाका लागि वार्षिक ४ करोड दान गर्दै आएकी छिन् ।
१०. लाउरेन पवेल जब्सः अमेरिकाकी जब्सको कुल सम्पत्ति साँढे २० अर्ब डलर रहेको उल्लेख छ । उनी एपलका संस्थापक स्टेभ जब्सकी पत्नी हुन् । ५९ वर्षीया उनी समाजसेवामा सक्रिय छिन् ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।