logo

राजश्व छलिमा संलग्न ललिता निवास जग्गा प्रकरणमा मुछिएका ढकाल सहित पाँचजना विरुद्ध झन्डै साढे २ अर्बको मुद्दा

    679   पटक पढिएको

२१ पुस/अर्थ र व्यापार– राजस्व अनुसन्धान विभागले राजस्व छलिगरेको आरोपमा ललिता निवास जग्गा प्रकरणमा मुछिएका मुख्य अभियुक्त तथा आनसान ईन्टरनेशनल प्रालिका सञ्चालक शोभाकान्त ढकाल सहित पाँच जना विरुद्ध झन्डै साढे २ अर्ब रुपैयाँ विगोदावी सहित मुद्दा दायर गरेको छ । विभागले आनसान इन्टरनेशनल प्रालिका सञ्चालक ढकाल सहित पाँच जना विरुद्ध मंगलबार उच्च अदालत पाटनमा मुद्दा दायर गरेको हो । 
आनसानका सञ्चालक शोभाकान्त ढकाल, सरोज ढकाल, उमा कुमारी ढकाल, सान्टु श्रेष्ठ, अडिट फर्मवाला राजेश्वर एण्ड कम्पनीका सञ्चालक राजेश्वर श्रेष्ठ सहित पाँच जना विरुद्ध मुद्दा दायर गरिएको विभागले जनाएको छ ।
शोभाकान्त ढकाल यसअघि नै बालुवाटारको सरकारी जग्गा ललिता निवास प्रकरणमा मुछिएका मुख्य व्यक्ति हुन् । विशेष अदालतको आदेशमा थुनामा परेका ढकाल अझै थुनामै छन । 
ढकालसहित पाँच जना विरुद्ध एक अर्ब २० करोड ४९ लाख १७ हजार ८२४ रुपैयाँ विगो र सोही बरावरको जरिवाना गरि कुल २ अर्ब ४० करोड ९८ लाख ३५ हजार ६४८ रुपैयाँ असुल गर्न र तीनवर्ष जेल संजायको माग दावीसहित मुद्दा दायर गरिएको विभागले जनाएको छ । 
विभागका अनुसार उनीहरुले मूल्य अभिवृद्धिकर तर्फ ४२ करोड २६ लाख ७ हजार ३५१ रुपैयाँ, आयकर तर्फ ६८ करोड ४८ लाख २६ हजार ९७ रुपैयाँ र लाभांशतर्फ ९ करोड ७४ लाख ८४ हजार ३७६ रुपैयाँ राजस्व छलेका थिए ।  
उनीहरुको सो फर्मले राजस्व चुहावट गर्ने मनसायले जालसाजीयूक्त, नक्कली तथा झुट्टा मूल्य अभिबृद्धि कर विवरण, बित्तीय विवरणहरु तथा आय विवरणहरु बनाएर कारोबार नै नभएको देखाई (कारोबार शुन्य देखाई) प्रचलित आयकर ऐन तथा मुल्य अभिबृद्धि कर ऐन तथा नियमहरु बमोजिम तिर्नुपर्ने कर नतिरी राजस्व चुहावट गरेको पाईएको विभागको आरोप छ । 
विभागका अनुसार शोभाकान्त ढकाल, सरोज ढकाल, उमाकुमारी ढकाल एउटै परिवारका सदस्य तथा एउटै कम्पनीका सञ्चालक हुन । सोही कम्पनीको लेखा परीक्षण गर्ने फर्म राजेश्वर एण्ड कम्पनीका प्रोपाइटर राजेश्वर श्रेष्ठ विरुद्ध पनि राजस्व छलीको मुद्दा दायर गरिएको विभागले जनाएको छ । 

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।