logo

जलवायु परिवर्तनको असरबारे अध्यायन गर्न रारामा तीन देशका राजदूत 

    771   पटक पढिएको

१ मंसिर / अर्थ र व्यापार – मुग स्थित नेपालकै सबैभन्दा ठूलो रारा तालमा तीन देशका राजदूत पुगेका छन् । समयको विकाससँगै बढ्दै गएको जलवायु परिवर्तनको अवस्था यसले पारेको असर र न्युनिकरणका लागि भएका प्रयासका बारेमा अध्यायन अनुसन्धान गर्न तीन देशका राजदूत रारा पुगेका हुन् ।
जलवायु परिवर्तनको अवस्था असर तथा यसको न्युनिकरणमा भएका प्रयासको अवस्थाबारे बुझ्न अमेरिकी राजदूत रेण्ड बेरी, अष्ट्रिलेयन राजदूत फेलिसिट भोल्क र बेलायती राजदूत निकोला पोलिग सोमबार रारा पुगेको रारा राष्ट्रिय निकुन्ज स्रोतले जानकारी दिएको छ ।
समयको विकाससँगै विश्वभर जलवायु परिवर्तन ठूलो असर गरिरहेको र रोकथाममा पनि खास्सै पहल कदमी नभएकोले नीतिगत र स्थानीयस्तरबाट जलवायु परिवर्तन कसरी न्युननिकरण गर्न सकिन्छ भन्ने बारेमा राजदूतहरुले अध्यायन, खोज अनुसन्धान गर्ने मुगुका प्रमुख जिल्ला अधिकारी रोम महतले बताए ।
उनका अनुसार जलवायु परिवर्तनले पारेको असर तथा यसको न्युनिकरणका लागि गरिएका प्रयास, भावी रणनीतिका बारेमा राजदूतहरुले मुगुका सरोकारवाला निकाय र समुदायमसँग अन्तरक्रिया छलफल गर्ने छन् ।
तीनै जना राजदूतहरुले रारामा तीन दिनसम्म जलवायु परिवर्तनको असरबारे बुझ्ने छन् । युएस आइडीको समन्वयमा रारा पुगेका तीन देशका राजदूतहरुले राराको अवलोकनसँगै मुर्माटप, मुर्मा गाउँ, खत्याडको पनि भ्रमण र त्यहाँका स्थानीयसँग जलवायु परिवर्तनको अवस्था बुझ्ने छन् ।
जलवायु परिवर्तनको न्युनिकरणका लागि युएसए आइडीको सहयोगमा जिल्लाको कार्मारोङ गाउँपालिका बाहेक तीन स्थानीय तहमा पानी, भकारी र कर्णाली जल परियोजना लागू भएका छन् । बेलायती सरकारको आर्थिक सहयोगमा (डिफिड) ले सञ्चालन गरेको जलवायु अनुकूल कार्यक्रम (लापा) मुगुम कार्मारोङ गाउँपालिकामा सञ्चालनमा आएका छन् ।
राजदूतहरुले सरकारी तथा गैरसकारी निकायबाट जलवायु अनुकलनका लागि भएका प्रयासबारे पनि सरोकारवालासँग समिक्षा गर्ने भएका छन् । जलवायु परिवर्तनले कर्णालीको कृषि क्षेत्रमा ठूलो असर गरेको अनुकुलनका बारेमा ठोस नीतिगत व्यवस्था गर्नुपर्ने कर्णालीबासीको माग छ ।
भिजिट कर्णाली टुर एण्ड ट्राभल्समार्फत तारा एयरबाट ताल्चा विमानस्थालमा पुगेका राजदूतको तीन दिनसम्म खाने बस्ने व्यवस्थापन रारा राष्ट्रिय निकुञ्ज कार्यालयको सहयोगमा रारा ट्राभलर होम तथा भिजिट हेरिटेज एण्ड रिर्सोटले गरेको छ । एकै पटक तीन विदेशी राजदूत रारा तालमा पुगेपछि राराको पर्यटन प्रर्वद्धनमा टेवा पुगेको मुगुका पर्यटन व्यवसायी राजु कार्कीले बताए ।
उनका अनुसार कोभिडपछि रारामा विदेशी पर्यटक घट्दै गएका थिए । तर राजदूतहरुको भ्रमणपछि अन्य देशका विदेशी तथा स्वदेशी पर्यटकहरुको आगमन बढ्ने समेत अपेक्षा गरिएको छ ।
सन् २०११ मा ६ देशका राजदूत रारा भ्रमणमा आएका थिए । त्यसपछि यो पटक अमेरिका, बेलायत र अस्ट्रेलियाका राजदूत रारा भ्रमणमा आएका हुन् ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।