logo

ब्लड डोनर्स एसोसिएसन नेपाल तारकेश्वर नगर समितिको अधिवेशन सम्पन्न 

केदार अधिकारीको नेतृत्वमा ९ सदस्यीय नयाँ कार्यसमिति चयन

    131   पटक पढिएको

२० भाद्र / अर्थ र व्यापार – तारकेश्वर नगरपालिका स्तरीय ब्लड डोनर्स एसोसिएसन समितिको चौंथो नगर सभा सम्पन्न भएको छ । तारकेश्वर नगरपालिकाको नगर प्रमुख रामेश्वर बोहोरोको प्रमुख आतिथ्यमा भएको सम्मेलनले सर्वसम्मतीमा ९ सदस्यीय नयाँ समिति चयन गरेको छ ।
अधिवेशनमा विशेष अतिथिमा ब्लड डोनर्स एसोसिएसन नेपालका केन्द्रीय अध्यक्ष सानुबाबु प्रजापतिको पनि उपस्थिति रहेको थियो । अधिवेशनमा तानपा – १० का वडा अध्यक्ष अमृत थापा, मनमैजु सांस्कृतिक समाजका अध्यक्ष ध्रुवराज खड्का लगायतको उपस्थिति रहेको थियो । मनमैजु सांस्कृतिक समाजको हलमा भएको कार्यक्रममा तारकेश्वर नगरपालिकाको प्रमुख रामेश्वर बोहोराले मैनवत्ती बालेर कार्यक्रम उदघाटन गरेका थिए । 
नगरपालिकाका प्रमुख रामेश्वर बोहोराले तारकेश्वरमा रगत अभाव हुन नदिनका लागि नगरपालिका लागिरहेको हुँदा ब्लड डोनर्स एसोसिएसन, नेपाल तारकेश्वर नगर समितिले वडा कार्यालय र स्वास्थ्य शाखाको समन्वयमा नगरको ११ वटा वडामा नै कार्यक्रम निरन्तर सञ्चालन गर्नुपर्ने बताए । 
नगरपालिकाले पहिलोपटक गरेको रक्तदान कार्यक्रममा ५३८ पिन्ट रगत संकलन गरिएको थियो । नगरपालिकाले मृर्गौला प्रत्यारोपण केन्द्र सञ्चालन गर्न लागेको हुँदा रगतको आवश्यकता बढ्दै गएको बताउँदै उनले नगर अधिवेशनको शुभकामना समेत दिएका थिए ।
यसैगरि, मनमैजु सांस्कृतिक समाजका अध्यक्ष ध्रुवराज खड्काले रक्तदान कार्यक्रम निरन्तर रूपमा सञ्चालन गर्दै लैजाने बताए । तारकेश्वर १० का वडा अध्यक्ष अमृत थापाले टोल सुधार समिति र महिला समुहहरुको सहकार्यमा रक्तदान कार्यक्रम निरन्तर रूपमा गर्दै जानुपर्ने बताए । 
कार्यक्रमका सभापति देबेन्द्र महर्जनले पुरानो टिमले काम नगरेको हुँदा नयाँ समितिमा सामाजिक सक्रिय सदस्यहरु राखेर निर्माण गर्न आवश्यक भएको बताए । यसैगरि, उनले विगतको टिममा रहेकाहरु बैठकमा समेत कहिल्यै नआउने परिपाटीले संस्था कमजोर भएको बताएका थिए ।

सो कार्यक्रममा ब्लड डोनर्स एसोसिएसन नेपालका केन्द्रीय अध्यक्ष सानुबाबु प्रजापतिले सामाजिक क्षेत्रमा केही गरौं भन्ने भावना भएका मानिसहरु मात्र संस्थाको टिममा रहनुपर्ने बताए । उदघाटन सत्रपछि सम्पन्न भएको सोही अधिवेशनबाट एसोसियसनका अध्यक्ष केदार अधिकारीको  नेतृत्वमा ९ सदस्यीय नयाँ कार्यसमिति चयन गरेको छ । 
यस्तो छ नयाँ कार्यसमिति 
केदार अधिकारी – अध्यक्ष
रामलाल महर्जन – उपाध्यक्ष
हरिकृष्ण खत्री – सचिव
दिपक कृष्ण श्रेष्ठ – सहसचिव
कमला सिलवाल खत्रि – कोषाध्यक्ष
कृष्ण प्रसाल ढुंगाना – सदस्य
इश्वर तिवारी – सदस्य
पूर्ण प्रसाद तिमिल्सिना – सदस्य
राजेन्द्र थापा – सदस्य 

तपाईको प्रतिक्रिया

सम्बन्धित शीर्षकहरु

मुख्य खबर

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

निर्वाचन आयोगद्वारा लेखा प्रतिवेदन नबुझाउने ४१ दलको दर्ता खारेज

निर्वाचन आयोगले तीन वर्षसम्म लेखा प्रतिवेदन नबुझाउने विभिन्न ४१ वटा राजनीतिक दलहरूकोे दर्ता खारेज गरेको छ । 

भुक्तानी नपाएपछि पुनः आन्दोलन गर्ने तयारीमा उखु किसान

किसानहरुलाई कमजोर, निमुखा सम्झेर फेरि पनि रकम नदिने षड्यन्त्र उद्योगी र सरकारबाट भएको भन्दै भदौ ५ गतेसम्म बक्यौता भुक्तानी नपाए पुनः आन्दोलन गर्ने चेतावनी किसानहरुले दिएका छन् ।

मनोरञ्जन

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।

कमल खनालको रुमाल बोलको गीत सार्वजनिक

गायक तथा सर्जक कमल खनालको शब्द र संगीत रहेको रुमाल बोलको गीत सार्वजनिक भएको छ । गीतमा गायिका अन्जु पन्त र गायक तथा सर्जक कमल खनालको स्वर रहेको

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।