३ साउन/अर्थ र व्यापार– चीनसँगको प्रमुख व्यापारिक भन्सार नाका तातोपानीबाट आर्थिक वर्ष ०७७/७८ मा १ अर्ब २ करोड रुपैयाँ मात्र राजस्व संकलन भएको छ ।

तातोपानी भन्सार कार्यालयका सूचना अधिकारी रामचन्द्र ढकालका अनुसार ५ अर्ब ४७ करोड रुपैयाँ राजस्व संकलन गर्ने लक्ष्य रहेकोमा १ अर्ब २ करोड रुपैयाँ मात्र संकलन भएको हो । संकलित राजश्व गत वर्षको लक्ष्यभन्दा ५ गुणाले घटी हो । 

ढकालले गत असारमा आएको बाढीपहिरोले सीमा पुल क्षति पुग्न गई मर्मत गर्दा लामो समय लाग्नुका साथै सडक अवरुद्ध तथा कोरोना भाइरसलगायतका कारणले चार महीना मात्र सञ्चालनमा आएको हुंदा राजस्वमा असर पुगेको बताए ।   

यसअघि विसं २०७२ को भूकम्पअघि दैनिक डेढ करोड रुपैयाँसम्म राजस्व असुली हुँदै आएको थियो ।