२२ असार/अर्थ र व्यापार– सार्वजनिक खरीद अुनगमन कार्यालयले १५ ओटा व्यवसायी तथा कम्पनीलाई कालोसूचीमा राखेको छ ।

खरीद अुनगमन कार्यालयले चार ओटा कम्पनीलाई दुई वर्ष र ११ ओटा कम्पनीलाई एक वर्षका लागि कालोसूचीमा राखेको हो । तर कालोसूचीमा राख्नुभन्दा अगाडि सम्झौता भएका कार्य भने निरन्तरता हुने कार्यालयले बताएको छ ।

सार्वजनिक खरीद अुनगमन कार्यालयको सोमवार बसेको बैठकले मंगलवारदेखि लागू हुनेगरी प्रहरी प्रधान कार्यालयको सिफारिशका आधारमा पूजा ट्रेडिङ एण्ड अर्डर सप्लायर्स हेटौंडा तथा डिएमएस बुट इण्डष्ट्रिज बूढानीलकण्ठलाई दुई वर्षका लागि कालोसूचीमा राखेको हो ।

त्यसैगरी, कृषि सामग्री कम्पनी लिमिटेडका सिफारिशमा मंगलवारदेखि लागू हुनेगरी सैलुङ इन्टरप्राइजेज र मुक्तिनाथ कृषि सामग्री कम्पनीलाई दुई/दुई वर्षका लागि कालोसूचीमा सिफारिस गरिएको छ ।     

दुई वटै कम्पनीले तोकिएका समयमा रासायनिक मलको ढुवानी गर्न नसकेपछि कम्पनीले धरौटी रकम जफत गरेर कालोसूचीमा राख्न सिफारिस गरेको थियो ।

यस्तै, खरीद अुनगमन कार्यालयले कम्पनी हिमालय कन्स्ट्रक्सन प्रालि सङ्खुवासभा, फ्रेण्ड्स अर्बिट कन्स्ट्रक्सन सर्भिसेज प्रालि कन्काई झापा, अम्बा स्टोर धरान, नीरज स्टिल फर्निचर उद्योग लहान, सन्देश सौगात ट्रेड एण्ड सप्लायर्स विराटनगर, चुन फार्मेसी पोखरा, गुरा निर्माण सेवा जुम्लालगायत एघार कम्पनीलाई एक वर्षका लागि कालोसूचीमा राखिएको छ ।  

सार्वजनिक खरीद ऐन, २०६३ को दफा ६३ को उपदफा (१) बमोजिम मंसिर १६ गतेदेखि लागू हुने गरी एक वर्षका अवधिसम्म कालोसूचीमा राखिएको हो ।    

कालोसूचीमा परेका कम्पनीले कालोसूचीमा राखिएको समयअवधिसम्म कुुनैपनि सरकारी निकायको कुनै पनि खरीद तथा निर्माणका कार्यमा भाग लिन पाउने छैनन् ।