२५ कात्तिक/अर्थ र व्यापार– भिजिट नेपाल ट्राभल एण्ड टुरले तिहारलगत्तै काठमाडौं–पोखरा रुटमा अत्याधुनिक पर्यटकीय बस सेवा संचालनमा ल्याउने भएको छ ।

कम्पनीले भ्रमण वर्ष २०२० लाई लक्षित गर्दै काठमाडौं–पोखरा रुटमा अत्याधुनिक पर्यटकीय बस संचालन ल्याउने योजना बनाएको थियो । तर कोभिड–१९का महामारीका कारण करिव ७ महिना पछी बस सेवा सुचारु गर्न लागेको हो । 

भिजिट नेपाल ट्राभल एण्ड टुरका संचालक पदम आचार्यले भ्रमण वर्षलाई लक्षित गर्दै एक बर्ष अगाडी ट्राभल विजनेश सुरु गर्ने उद्धेश्यले बस संचालनमा ल्याउने तयारी गरेपनि  कोभिडका कारण सात महिनापछि बस संचालन गर्न लागेको बताए । 

कम्पनीले ल्याएको अशोक लेल्याण्डको भाकिङ्स २२२ सिरिजको सिंगल इन्जिन युक्त यो गाडीमा सोफामै बसेर यात्रा गर्न सक्नेछन् । 

संचालक आचार्यले बसको आन्तरिक बनोट हाइली लक्जरियस रहेको बताउदै बसमा एयर कन्डिसन, सस्पेन्सन क्षमता सँगै गाडीको रुफटपमा जडित ग्लास मार्फत आकाशको पनि दृश्यालोकन गर्न सक्ने बताए । 

२८ सीट क्षमताको गाडीको भाडादर १२ सय रुपैयाँ निर्धारण गरिएको छ ।