१८ असार/अर्थ र व्यापार– यूनाइटेड सिमेन्ट्स प्रालिद्वारा उत्पादित ‘यूनाइटेड सिमेन्ट्स’ ब्रान्डले नेपालमै उत्पादन हुने सिमेन्टहरुमध्ये सबैभन्दा उत्कृष्ट ग्रेड ५३ ग्रेडको गुणस्तर चिह्न प्रमाणपत्र प्राप्त गरेको छ ।

५३ ग्रेडको गुणस्तर प्रमाणपत्र प्राप्त गरेसँगै गुणस्तरमा ठुलो फड्को मारेको कम्पनीले जनाएको छ । कम्पनीले ग्राहकहरुको गुणस्तरप्रतिको विश्वासलाई अझ बलियो बनाउनेमा ढुक्क रहेको जनाएको छ ।

५३ ग्रेडको सिमेन्ट ठूला–ठूला संरचनाहरु जस्तै, हाइड्रोपावर ड्याम, गगनचुम्बी महल, टनेल, ठूला पुलहरु, राष्ट्रिय गौरवका आयोजनाहरु, बाटो निर्माणमा पनि यो ग्रेडको सिमेन्टको प्रयोग हुँदै आएको छ ।

ललितपुरको लेलेमा अवस्थित आफ्नै खानीको चुनढुंगा प्रयोग गरी आफैँ क्लिन्कर उत्पादन गर्दै आएको उद्योगले विगत ६ वर्षदेखि उच्च गुणस्तरको सिमेन्ट उत्पादन गर्दै आएको छ ।