१२ असार / अर्थ र व्यापार – युनिक हाइडेल कम्पनीले जारी गर्ने २२ लाख कित्ता सेयरलाई इक्रा नेपालले ग्रेड ५ रेटिङ प्रदान गरेको छ । यसले कम्पनीको अवस्था कमजोर रहेको जनाउँछ । जसमा १ ग्रेड प्रदान गरिएको साधारण सेयर भएको कम्पनीको अवस्था अत्यन्त सबल वा बलियो आधार जनाउँछ भने ग्रेड ५ ले अत्यन्त कमजोर आधार जनाउँछ । यसमा ग्रेड २, ३ र ४ मा प्रयोग गरिने प्लसले तुलनात्मक सकारात्मक स्थितीलाई जनाउँछ ।
नेपालमा पब्लिक कम्पनीहरुले जारी गर्ने साधारण सेयरलाई सम्बन्धित कम्पनीको सबै अवस्थाहरुको विश्लेषणको आधारमा नेपालमा रहेको एकमात्र रेटिङ कम्पनी इक्रा नेपालले ग्रेड १ देखि ग्रेड ५ सम्मको रेटिङ प्रदान गर्ने गरेको छ ।
युनिक हाइडेलले एक सय रुपैयाँ अंकित दरको २२ लाख कित्ता सेयर निष्काशन गर्न लागेको हो । जसमध्ये कम्पनीले आयोजनाबाट प्रभावित हुने सिन्धुपाल्चोकबासीको लागि पहिलो चरणमा एक सय रुपैयाँ अंकित दरको पाँच लाख ५० हजार कित्ता सेयर निष्काशन गर्न धितोपत्र बोर्डमा निवेदन दिएको छ ।
दोस्रो चरणमा कम्पनीले सर्वसाधारण, सामूहिक लगानी कोष र कर्मचारीको लागि करिब १६ करोड ५० लाख रुपैयाँ बराबरको सेयर जारी गर्नेछ । साधारण सेयर जारी गर्नका लागि कम्पनीले एनएमबि क्यापिटललाई विक्री प्रबन्धक नियुक्त गरेको छ ।
युनिक हाईडेल कम्पनीको बराम्ची खोलामा बाराम्ची हाईडोईलोक्ट्रीक आयोजना ४ दशमलव २ मेगावाटको सञ्चालनमा रहेको छ । कम्पनीमा ज्ञानेन्द्रलाल प्रधानको लगानी रहेको हाइड्रो सोलुसन्स प्रालीको समेत सेयर स्वामित्व रहेको छ ।
तपाईको प्रतिक्रिया