२९ जेठ / अर्थ र व्यापार-निजी क्षेत्रका ब्यवसायीहरुले बनाउन लागेको ८६ मेगावाटको सोलुखोला दुधकोशी आयोजना निर्माणको ठेक्का ईटालीको सिएमसी रेभेन्नाले प्राप्त गरेको छ । निजी क्षेत्रले बनाउन लागेको अहिलेसम्मको यो सबैभन्दा ठूलो आयोजना हो ।

सीएसमसी रेभेन्ना र साहस उर्जा प्रालिबीच आयोजना निर्माणको ठेक्का सम्झौता भएको हो ।

सोलुखुम्बुको सोलु खोलामा निर्माण हुने आयोजनाले २०७७ असोजमाा बिद्युत उत्पादन गरिसक्ने लक्ष्य राखेको छ ।

आयोजना निर्माणमा ११ अर्ब ८६ करोड लागत लाग्ने अनुमान गरिएको छ । नेपाल इइृन्भेष्टमेन्ट बैंकको अगुवाईमा ११ बैंकले यसमा लगानी गर्दैछन् ।

साहस उर्जामा नेकपा एमालेका नेता कार्यकर्ताहरुको संलग्नता रहेको छ । कम्पनीको अध्यक्षमा एमाले कार्यकर्ता हिमप्रसाद पाठक अध्यक्ष छन् भने डा. युवराज खतिवडा मिनराज कंडेल ,परितोेष पौडेल लगायतको लगानी रहेको छ ।

यस आयोजनामा झण्डै चार अर्ब रकम संस्थापकहरुको तर्फबाट जुटाउनु परेपछि ज्ञज्ञएमालेका नेता कार्यकर्ताहरुले आफु सम्बद्ध सहकारी संस्थाहरुको पनि ठूलो रकम परिचालन गरेका छन् ।