१५ भाद्र / अर्थ र व्यापार- टेस्ला एयर कन्डिसनरले आफ्नो नयाँ उत्पादन सार्वजनिक गर्ने भएको छ । लामो समयदेखि आयात र निर्यातको काम गरिरहेको भू–लक्ष्मी ग्रुप प्रा.लीले टेस्लाको उत्पादन तथा बिक्री गर्दै आएको छ ।

टेस्लाका नयाँ उत्पादनमा प्रख्यात नेपाली सम्पदा धरहरा, कृष्ण मन्दिर,स्वयम्भुनाथ स्तुपाका चित्र कोरिएको छ, जसले गर्दा टेस्ला नेपाली ब्रान्ड हो भन्ने सन्देश प्रबाह गर्न सहयोग पुग्ने कम्पनीका प्रमुख कार्यकारी अधिकृत किरण आचार्यले बताए । भू लक्ष्मी ग्रुप प्रा.ली आइ.एस.ओ ९००१ः२०१५ प्रमाणित कम्पनी हो ।

बिश्व बजारका स्तरीय एयर कन्डिसनरसँग प्रतिस्पर्धा गर्ने गुणस्तर भएको र सम्पदा अंकित डिजाइनले गर्दा नेपाली ब्राण्ड हुनुको गर्व बढाउने आचार्यको दावी छ । टेस्ला एसीको मोबाइल एप एन्ड्रोइड र आइओएस दुबैमा उपलब्ध भएको आचार्यले बताए ।

टेस्लाका उत्पादनमा उर्जा खपतको अनुपात ३ः५३ रहेको छ, जसले यो एसी उर्जामैत्री छ भन्ने देखाउँछ । उर्जामैत्री भएका कारण बिजुलीको खपत कम भइ खर्च कम हुने बताइएको छ । यसमा पुराना मोडलका एसीहरुमा जस्तो कोठाको तापक्रम ठिक हुनलाइ केही समय कुर्नुपर्ने समस्या हुने छैन । यसको टर्बो मोडलमा निर्माण गरिएकोले कोठाको तापक्रमलाइ तुरुन्तै ठिक पार्ने आचार्यले बताए । मुख्य कार्यालय चितवन रहेको कम्पनीको कर्पोरेट अफिस काठमाडौमा रहेको छ । डिलरसिप लिन चाहने कम्पनीले ९८०११६४३६७ मा सम्पर्क गर्न सक्ने समेत कम्पनीले जनाएको छ ।