१९ जेठ / अर्थ र व्यापार-नेपालमा एक वर्षसम्मका लागि औषधि अभाव नहुने भएको छ । एक वर्षलाई हुने गरी औषधि र ९० दिनसम्मका लागि कच्चा पदार्थ पनि मौज्दात रहेको छ । कुनै विशेष औषधिको माग भएको अवस्थामा पनि कुनैपनि औषधिको अभाव नहुने छ ।  केही सञ्चार माध्यममा १५ दिनपछि देशभरी औषधिको अभाव हुने आसयका साथ समाचार आए लगत्तै बसेको औषधि उत्पालक संघको आकस्मिक बैठकमा सहभागी औषधि उत्पादकहरुले औषधिको कुनै अभाव नहुने र औषधिको उत्पादनका लागि कच्चा पदार्थका पनि अभाव नहुने प्रष्ट पारेका छन् ।

हालै आपूर्ती व्यवस्था महाशाखाले नेपालमा औषधी उत्पादन गर्दा प्रयोग हुने कच्चा पदार्थमा औषधि सम्बन्धी गुणस्तरको नियमन गर्ने नेपालकै एकमात्र निकाय औषधि व्यवस्था विभागले तोकेको मापदण्ड भन्दा फरक रही वोलपत्र आव्हान गरेका कारणबाट उक्त कच्चा पदार्थ पुनः आयात गर्न केही अतिरिक्त दिन लाग्ने भए तापनि नेपालमा औषधिको नियमित आपूर्तिमा कुनै प्रकारको ढिलाई र समस्या नहुने भएको छ ।

स्वास्थ्य मन्त्रालयकोे कार्यान्वयनको नीतिगत निर्णयका कारण औषधि उद्योगमा राष्ट्रिय पूँजीको विकास भई निकट भविष्यमा औषधिको आयात प्रतिस्थापन, निकासीको प्रबर्द्धन भई विदेशी मुद्रा आर्जन गर्न सक्ने अवस्थामा नेपाली औषधि उद्योग पुग्नुका साथै हजारौमा रोजगारी सिर्जना हुने अवस्था बनिरहेको छ ।