१ साउन / अर्थ र व्यापार – आजदेखि  १० लाख रुपैयाँभन्दा बढीको कारोबार बैंक तथा वित्तीय संस्थाबाट गर्नुपर्ने भएको छ । चालु आर्थिक वर्ष २०७४/७५ को मौद्रिक नीतिमार्फत आजदेखि १० लाख वा सोभन्दा बढीको रकम भुक्तानी नगदमा गर्न नपाइने व्यवस्था लागू गरिएको छ ।

दश लाख रुपैयाँ भन्दा बढी रकमको कारोबार गर्दा अनिवार्य रुपमा एकाउन्ट पेयी चेकमार्फत् गर्नुपर्नेछ । यसअघि यो सीमा ३० लाख रुपैयाँको थियो । त्यसैगरी हालसम्म रु १० लाखभन्दा माथिको कर्जाको मात्र कर्जा सूचना दिने व्यवस्था रहेकोमा अब प्रत्येक कर्जाको सूचना कर्जा सूचना केन्द्रलाई उपलब्ध गराउनु पर्ने व्यवस्था गरिने मौद्रिक नीतिमा उल्लेख छ । 

रु १० लाखभन्दा कम कर्जाको सूचना निःशुल्क रुपमा लिनु दिनुपर्ने व्यवस्था समेत मिलाइने नीतिमा उल्लेख छ ।