९ असोज/अर्थ र व्यापार– निषेधाज्ञाका बाबजुद भदौमा तीन अर्ब ६७ करोड रुपैयाँ बराबरको मोबाइल सेट भित्रिएको छ । 

चैतदेखिको तथ्यांकलाई हेर्दा  निषेधाज्ञाका बाबजुद पनि मोवाईलको आयात भने बढ्दो क्रममा देखिन्छ ।

चैतदेखि साउनसम्म साढे १० लाख सेट भित्रिएकोमा भदौमा मात्रै पाँच लाख २५ हजार ८ सय ७९ मोबाइल फोन भित्रिएको भन्सार विभागको तथ्यांकले देखाएको छ । 

गत साउनमा चार अर्ब २६ करोड रुपैयाँ बराबरका चार लाख ७० हजार थान मोबाइल फोन भित्रिएको थियो ।

नेपाली बजारमा चीन, भारत र भियतनामबाट सबैभन्दा बढी मोबाइल फोनको आयात भइरहेको भन्सार विभागले जनाएको छ ।