६ पुस/ अर्थ र व्यापार - वीरगंज–पथलैया औद्योगिक करिडरमा ३५ करोड रुपैयाँ लगानीमा नयाँ औषधी उद्योग एक महिनाभित्रै संचालनमा आउने भएको छ । वीरगंज महानगरको वडा नं ३२ चोर्नीस्थित प्राइम फर्मास्युटिकल्स एक महिनाभित्र उत्पादन सुरु हुने उद्योगका प्रबन्ध निर्देशक बृजकिशोर चौबेले जानकारी गराए ।
यो उद्योग २९ कठ्ठा क्षेत्रफलमा स्थापना भएको छ । १० जना व्यवसायीको लगानीमा उद्योग स्थापना भएको हो । उद्योगले क्याप्सुल, सिरफ, मलम, लोशनलगायतको औषधी उत्पादन गर्ने जनाएको छ । ५० जनाले रोजगारी पाउने उद्योगको १० करोड चुक्ता पूँजी छ । बैंकबाट २५ करोड ऋण लिएर उद्योग स्थापना भएको प्रबन्ध निर्देशक चौबेको भनाई छ । चिनियाँ लगानी भित्र्याउने गरि यो उद्योग स्थापना गरिएको हो ।
चौबेले चिनियाँ कम्पनी भित्र्याउने गरि छलफल अघि बढेको बताए । योसँगै औद्योगिक करिडोरमा १४ वटा औषधी उद्योग संचालनमा छन् । वीरगंज कोरीडोरमा जिडी फर्मा, नेपाल फर्मा, नेशनल फर्मा, क्वेस्ट, एपेक्स, आर्या, डेनियम, मैग्नस, मारुती, जेनेटिका, भास्कर हर्बल, सुप्रिम फर्मा संचालनमा छन् ।
तपाईको प्रतिक्रिया