चिनीको आयातमा बृद्धी हुँदा राजस्व असुलीमा सकारात्मक प्रभाव
९ असोज/अर्थ र व्यापार– चालु वर्षको २ महिनामा भारतबाट २ अर्ब २९ करोड ८ लाख ६३ हजार रुपैयाँ बराबरको करिब ४ करोड ६८ लाख ९६ हजार १ सय २६ केजी चिनी आयात भएको छ ।
व्यवसायीहरुले चाडपर्वलाई लक्षित गर्दै चिनीको आयात बढाउँदा धेरै भन्सार महसुल तिरेर भित्रिने शीर्ष ४ वस्तुमा चिनी परेको छ ।
पछिल्लो २ महिनामा पेट्रोल, डिजल र सवारीपछि सबैभन्दा धेरै राजस्व चिनीबाट संकलन भएको छ । चिनीको आयातबाट १ अर्ब ३१ करोड ५५ लाख ४३ हजार रुपैयाँ राजस्व संकलन भएको छ ।
चाडपर्व नजिकिँदा सरकारले खाद्य व्यवस्था तथा व्यापार कम्पनीलाई १० हजार र साल्ट ट्रेडिङ कर्पोरेशनलाई २० हजार टन गरी ३० हजार टन चिनी ५० प्रतिशत भन्सार शुल्क छुटको सुविधा सहित आयातको लागि अनुमति दिएको थियो । तर दुवै कम्पनीले ठेक्का र ढुवानीका प्रक्रियाका कारण समयमै ल्याउन नसक्दा व्यवसायीहरुले चिनीको आयात गरिरहेको छ ।
रिलायन्स चिनी उद्योगका संचालक राजकुमार अग्रवालले तुलनात्मकरूपमा सस्तो दरमा चिनी ल्याएकाले चिनीको मुल्य खुद्रा बिक्रीमा पनि केही सस्तो हुन सक्ने बताए । व्यवसायीले ४० प्रतिशत भन्सार तिरेर चिनी आयात गरिरहेका छन् ।
तीन वर्षअघि पाकिस्तानबाट नेपालमा ठूलो परिमाणमा चिनी आयात हुँदा चिनीको भाउ सस्तिएको थियो । सरकारले सस्तो चिनीले स्वदेशी उद्योग र कृषकलाई मर्का परेको भन्दै भन्सार मूल्यांकन भारु ३० रुपैयाँ र भन्सार महसुल ४० प्रतिशत बनाएका थियो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया