२४ जेठ / अर्थ र व्यापार-    नेपालमा मुख्य रुपमा चुरोट, तयारी सुर्ती र गुट्खा लगायत उत्पादनमा सुर्तीको खपत छ । सुर्तीजन्य उत्पादनमा कच्चा पदार्थको रुपमा प्रयोग हुने सुर्तिको आयात बढेको छ । यसपाली वीरगन्ज नाका भएर आयात हुने सुर्तीको पैठारी ४९ प्रतिशतले बढेको छ । चालु आर्थिक वर्षमा अघिल्लो वर्षको तुलनामा डेढ गुणा सुर्ती आयात बढेको हो । 

यो वर्ष कूल ५९ लाख १९ हजार ४ सय ७५ किलो सुर्ती साउनदेखि वैखाशभित्र आयात भएको छ । पोहोर यस्तै अवधीमा ३९ लाख ५५ हजार ७ सय ७९ किलो सुर्ती यस नाका भएर आयात भएको थियो 

सुर्तीमा अन्त शुल्कको दर उच्च रहेकोले यसमा भन्सारलाई राजश्व पनि राम्रो नै प्राप्त हुने गरेको छ । सबै गरेर मुल्यको करिब आधा अर्थात ५० प्रतिशतको हाराहारीमा सुर्तीबाट भन्सारलाई राजश्व आम्दनी छ । दुई अर्ब १२ करोड ८१ लाख २३ हजाको सुर्ती आयातमा भन्सारलाई भन्सार महसुल, अन्तशुल्क र मुल्य अभिवृद्धी कर गरी १ अर्ब ६ करोड ८० लाख २५ हजार रुपैया राजश्व प्राप्त भएको छ । पोहोर १ अर्ब ४४ करोड ३२ लाख २८ हजार रुपैया बराबरको सुर्ती आयात गर्दा ६८ करोड ८६ लाख ३२ हजार रुपैया राजश्व प्राप्त भएको थियो । 

सिंगै पात सहितको सुर्तीमा मुल्यको हिसाबले १५ प्रतिशत र धुलो सुर्तीमा ३० प्रतिशत भन्सार महसुल लाग्ने गरेको छ । त्यसतै मुल्य अभिवृद्धी कर पनि मुल्यमा १३ प्रतिशत लाग्ने हो । अन्तशुल्क भने परिमाणमा लाग्ने गरेको छ । चुरोट बनाउने सुर्तीमा प्रतिकिलो २ सय ५ रुपैया र चुना हालेर सेवन गर्ने सुर्तीमा २ सय ५३ रुपैया प्रतिकिलो अन्तशुल्क लाग्ने गरेको छ ।