२४ कात्तिक/अर्थ र व्यापार– चौधरी ग्रुपअन्तर्गतको ईओएल प्रालिले नेपाली बजारमा टिसीएल ब्रान्डको फोरके स्मार्ट टिभी बिक्री सुरु गरेको छ । 

ईओएलले टेलिभिजनका साथै वासिङ मेसिन, एसी, चेस्ट फ्रिजर, वाटर डिस्पेन्सरलगायत उपकरण बिक्री गर्दै आएको छ ।

कम्पनीले अघिल्लो ३ वर्षको तुलनामा नेपालमा टिसीएल एलइडी टिभीको माग ५० प्रतिशतले बढेको जनाएको छ। 
कम्पनीका अनुसार टिसीएस फोरके एन्ड्रोइड टिभीमा विश्वव्यापी तथा स्थानीय एप जडान गरिएको छ । कम्पनीले पी ७१५ र पी ६१५ मध्यम दायराका टिभी नेपालमा बिक्री सुरु गरेको हो ।

यी श्रेणीका टिभीमा रेजुलोसन स्क्रिनर सफ्टवेयर जडान गरिएको छ । आर्टिफिसियल इन्टिलिजेन्सद्वारा सञ्चालित हुने टिभीमा टाढाको आवाज पहिचान गर्न सक्ने सुविधा पनि छ । कोठा वरिपरिको आवाज सुन्न यसको रिमोर्ट बटन आवश्यक पर्दैन ।

भ्वाइस कमान्डयुक्त यी टिभी ७५ इन्चमा उपलब्ध छन् । टेलिभिजनमा हाइ डायनामाइक रेन्ज, ग्राहलाई एप तथा गेम इन्स्टलेसन सुविधा लिन गुगलप्ले सहयोग पु¥याउनेछ ।

भिडियो कलका लागि पपअप क्यामेरा, अडियो क्षमता बढाउन डल्बी साउन्डलगायतका सुविधा यी टिभीमा जडान गरिएको कम्पनीले बताएको छ ।

यस्तै, टिसीएल पी६१५ ४३ र ५० इन्चको स्क्रिनमा उपलब्ध छ । यी टिभीमा पनि स्पष्ट तस्बिर, फराकिलो दायरा, भ्वाइस कमाण्डबाट टिभी कन्ट्रोल गर्न सकिने, अप्टिमल कन्ट्रास्टलगायतका सुविधा छन् ।