१२ साउन / अर्थ र व्यापार – चितवन जिल्लामा  आर्थिक वर्ष २०७३/०७४ मा विकास निमार्ण तर्फको पूँजीगत खर्च हुन नसक्दा ३ अर्ब ६८ करोड ३६ लाख ८४ हजार ३ सय ८० रकम फ्रिज भएको छ । देशकै चासोको विषय बनेको मुग्लिन नारायणगढ सडक आयोजनाको  २२ करोड भन्दा बढी रकम फ्रिज भएको छ भने शहरी तथा भवन निमार्ण कार्यालयले झण्डै ५५ करोड खर्च गर्न सकेन् ।

पूँजीगत खर्चतर्फ आएको खुद बजेट ६ अर्व २ करोड मध्य ४ अर्व ३६ करोड खर्च भई १ अर्व ६६ करोड रकम फ्रिज भएको छ । पूँजीगत र चालु गरेर झण्डै १७ अर्व बजेट निकासा भएकोमा १३ अर्व ३१ करोड ४५ लाख ६८ हजार मात्र खर्च हुन सकेको छ ।

यस पटक निर्वाचनको समय भएको कारण १ सय ३ कार्यालय मार्फत बजेट खर्च भएकोमा निर्वाचन पछि ती कार्यालयको काम समाप्त हुने हुदाँ ८९ कार्यालयले बजेट खर्च गरेका थिए । रकम ढिलो निकासा भएकोले फ्रिज भएको छ । काम गर्दै गर्दा समय अभावले निमार्ण सम्पन्न गर्न नसकेको हो ।