२१ जेठ / अर्थ र व्यापार -  करिब ७० हजार कम्पनीलाई कम्पनी रजिष्ट्रार कार्यालयले खारेजीमा लैजाने प्रक्रिया अघि बढाएको छ । पछिल्लो समय कम्पनी ऐन २०६३ संसदबाट संशोधन भएपछि खारेजी प्रक्रिया अघि बढेको हो । गत शुक्रबारसम्म कम्पनी रजिष्ट्रार कार्यालयमा एक लाख ६९ हजार कम्पनी दर्ता भएको थियो ।

पछिल्लो समय कम्पनी रजिष्ट्रार कार्यालयमा दर्ता भएका ४० प्रतिशत कम्पनी निष्क्रिय रहेको छ । यो संख्या हरेक वर्ष बढ्दै गइरहेको छ । खारेजीमा लैजाने  कानुनी जटिलताका कारण निष्क्रिय कम्पनीको संख्या बढ्दै गएको हो ।   कम्पनीको संख्या बढ्दै जानु अनि निष्क्रिय संख्या बढ्दा उनीहरुको हिसाब किताब राख्नपनि समस्या हुँदै गएको अवस्थामा अब केहि सहजता हुनेछ ।

संसोधित ऐनअन्र्तगतम्।ा खारेजीमा जान चाहने कम्पनीले दुई वर्ष भित्र आफ्नो कम्पनीलाई खारेज गराउन सक्ने छन् । खारेजीमा लैजान चाहने कम्पनीले आफ्नो कम्पनीको साधारणसभाको निर्णय, कम्पनीले तोकेको जरिवाना भुक्तान गरेपछि कम्पनी रजिस्टारले तोकेको ढाँचामा निवेदन दिएपछि कम्पनी खारेजीमा जानेछ ।

कम्पनी खारेज गर्न चाहनेले दुई वर्र्ष्भित्र आफ्नो कम्पनीको चुक्ता पूँजीको ०.५ प्रतिशत वा जम्मा जरिवानाको रकम कुन कम हुन्छ त्यहि तिरेर कम्पनी बन्द गर्न सक्ने छन्। खारेजीको निवेदनको ढाँचा तयार हुँदै गरेको र त्यसको टुंगो केहिदिनमा लाग्ने भएकोले आउने हप्ताबाट कम्पनीको खारेजी प्रकिया अघि बढ्ने छ ।