बाँकेमा सहकारीमार्फत ४ अर्ब ४२ करोडको लगानी
२६ साउन / अर्थ र व्यापार – बाँकेमा सञ्चालित सहकारी संस्थाले ४ अर्ब ४२ करोड रुपैयाँ लगानी गरेका छन् । जिल्लामा सक्रिय रुपमा सञ्चालनमा रहेका २ सय १९ वटा सहकारी संस्थामार्फत किसान र व्यवसायीलाई सो लगानी गरिएको हो ।
सहकारी संस्थाहरुले कृषि, स्वास्थ्य, जडिबुटी, विद्युत्, वन तथा वातावरण र वित्तीयलगायतका क्षेत्रमा लगानी गरेर आफ्नो कारोबार गरिरहेका छन् । सहकारी संस्थामार्फत मात्र गरिएको लगानीबाट जिल्लामा ८ हजार लिटरभन्दा बढी दूध उत्पादन हुने गरेको छ ।
त्यसैगरी ५ सय टनभन्दा बढी बिउ तथा २ करोड भन्दा बढी खसी बोकाको कारोबार हुने गरेको छ । सहकारीहरुले किसानको आर्थिक अवस्था बलियो बनाउनुका साथै दूध, बिउ, मासुलगायतमा जिल्लालाई आत्मनिर्भर बनाउनसमेत ठूलो मद्दत गरिरहेको छ ।
सहकारीहरुमार्फत जिल्लामा गरिएको ४ अर्ब ४२ करोड लगानीबाट जिल्लाका सयौं परिवारको पालन पोषण हुनुका साथै उनीहरुको आर्थिक अवस्थामा पनि सुधार हुँदै गएको छ । सोही प्रकारले ती सहकारी संस्था मार्फत जिल्लामा ४ अर्ब २० करोड रुपैयाँ निक्षेप संकलन भएको छ ।
सहकारी डिभिजन कार्यालय नेपालगन्जका अनुसार जिल्लामा रहेका सहकारीहरुको सेयर पुँजी ३५ करोड १३ लाख रुपैयाँ छ । सो कार्यालयका अनुसार बाँकेमा हालसम्म ४ सय ३ वटा सहकारी संस्था दर्ता रहेकोमा २ सय १९ वटा सक्रिय छन् भने १ सय ७ वटा सुधारोन्मुख, ७१ वटा समस्याग्रस्त र ४ वटा निस्कृय रहेका छन् ।
जिल्लामा दर्ता भएका सहकारी संस्थामा २ हजार ८ सय सञ्चालक र १ लाख १६ हजार ३ सय जना सेयर सदस्य रहेको छ । सोही प्रकारले ती सहकारी संस्थाका कारण जिल्लाका एक हजार २ सय जनाले कर्मचारीका रुपमा प्रत्यक्ष रोजगारी पाएका छन् भने अप्रत्यक्ष रुपमा पनि सयौंले काम पाएका छन् ।
यसैबीच सहकारीहरुलाई बलियो र सुदृढ बनाउन सरकारले सहकारी संस्थाबीच मर्जर हुनुपर्ने नियमलाई पनि कडाईका साथ अघि बढाउन थालेको छ । सोही अनुरुप जिल्लामा हालसम्म दुइटा सहकारी मर्जर भइसकेको र केही अन्य मर्ज हुने प्रक्रियामा छन् ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया