३ साउन / अर्थ र व्यापार – गत आर्थिक वर्षमा धितोपत्र बजारमा बोनस बाट मात्रै ३५ करोड २६ लाख कित्ता सेयर थपिएको छ । धितोपत्र बोर्डका अनुसार एक वर्षको अवधिमा करिब ३५ अर्ब बराबरको बोनस सेयर सूचिकृत भएको छ । २०७३ साउन एक गतेदेखि २०७४ असार मसान्तसम्ममा उक्त परिमाणको बोनस सेयर सूचिकृत भएको हो ।

एक बर्षको अवधिमा बैंक तथा वित्तीय संस्था, जलविद्युत, बिमा र होटल गरी कुल १६४ कम्पनीको ३४ अर्ब ७९ करोड ५९ लाख ९२ हजार ७६८ रुपैयाँ बराबरको बोनस सूचिकृत भएको हो । यसअवधिमा बोनसबाट मात्रै ३५ करोड २६ लाख ९८ हजार ८९९ कित्ता सेयर सूचिकृत भएकोे छ ।

राष्ट्र बैंकले पूँजीवृद्धि योजना सार्वजनिक गरेयता सूचिकृत कम्पनीहरुले बोनस सेयर वितरणलाई प्राथमिकता दिदै आएका छन् ।